Page 175 - Danilenko

Qulaqlar

– Sәnә nә alım? – ondan soruşdu. 175
– Mәni әmәliyyat elәtdir, – oğlan qaşqabağını töküb, cavab
verdi.
– Nә әmәliyyat?
– Qulaqlarımı düzәltdirmәk istәyirәm.
– Aman Tanrım! – qadın içini çәkdi. – Başqa dәrd-sәrin
yoxdur?
Qadın birtәhәr söhbәti yayındırdı, oğluna tәkәrli konki
aldı. Bundan sonra oğlan qulaq barәdә danışmağı yığışdırdı.
Yaşıl bayram1 әrәfәsindә oğlan nәnәsinin servizindәki fin-
canlardan birini sındırdı. Qalya nәnә onun xәtrini çox istәsә
dә, özünü saxlaya bilmәyib, onun üstünә qışqırdı:
– Pıtraqqulaq!
Bundan sonra oğlan elә bil gözә gәldi. O, barının dibindә
bitmiş pıtraq kollarına baxdı – pıtraq ona öz qulaqlarını
xatırladırdı. Sonra bağa gәlib, albalı ağacının gövdәsindә
bitmiş göbәlәyi gördü.
“Albalının da şeşә qulağı var”, – oğlan fikirlәşdi.
O gün şam yemәyini yemәdәn yatağa girdi. Yuxuda çöllük
gördü. Çöllükdә nәnәsiylә birgә addımlayırdılar. Qalya nәnә
әsasıyla sәmanı göstәrdi:
– Günәş bax oradan çıxacaq. Odur, oradan.
Birdәn-birә yerin altından nәhәng qırmızı qulaq çıxdı vә
bütün üfüqü tutdu.
O vaxtdan oğlan rastına çıxan adamların hamısının
qulağına baxırdı.
– Nәnә, – bir dәfә Boqdan soruşdu, – mәnim qulaqlarım
niyә böyükdür?
– Ona görә ki, sadәlövhsәn, hamıya inanırsan, – Qalya
nәnә әsnәdi.
Qalya nәnә artırmada oturub, yoldan keçәnlәrә baxır, tez-
tez әsnәyirdi.
– Sәnin nәnәnin qulaqları da böyük idi? Mәnә onun qulaq-
larından danış.

1Yaşıl bayram – yayda keçirilәn dini bayram