Page 45 - Bagater Arabuli_Layout 1

Gündüz yuxuları

Dәrdi üçün macalı olmayan...

...Böyük oğlunun toyuna hazırlaşan Qamaxela
üç gün arpa üyütdü pivә üçün,
üç gün atla, eşşәklә
çaybasarla daşıdı üyütdüyünü...
Xeyli pivә bişirdi,
araq çәkib
1
cecәylә doldurdu qab-qacağı...
Borolanın zirvәsindә
qaçdı-tutdu oynayırdı günәş şüaları...
Bir hәftә sonra
çayın hәr iki sahilindәn,
uzaqdan-yaxından,
dağdan-arandan
hamını çağırdı toya...
Hәmişәki kimi şeytan yenә
hey düşünür, düşünürdü:
hiylәylә kimә necә ziyan vursun,
kimin işıqlı gününü zulmәt gecәyә,
toyunu vaya çevirsin...

Elә hәmin gün Qamaxelanın başına
görünmәz oyun açdı şeytan...
Kişi böyük oğlunun toyuna qonaq gözlәyәrkәn,
kiçik oğlu sәhәr tezdәn
düşmәnlәrin әlindә hәlak oldu...
Çox kәdәrlәndi Qamaxela,
çox ağladı,
arxadakı otaqda astadan ağı dedi,
başını döydü divara...

1 Cecә – gürcü arağı
45