Page 38 - Bagater Arabuli_Layout 1
P. 38
Bağater Arabuli
* * *
Uzun illәrdәn sonra sәslәyib gәzirәm sәni,
arxamca gurultuyla Araqvi axıb gәlir.
Yenә dә Matsmao dağlarının üstündә
gömgöy çiçәk kimi görünür sәma...
Yadındamı qarlayan gün,
ağ atların belindә qayıdırdıq Matsmaodan...
Әllәrin duman kimi dümağ,
dumansa әllәrin kimi bәmbәyazdı...
İndi haralardasan? Araqvinin çınqılından keçәrkәn
sәslәyib gәzirәm sәni.
Matsmao dağlarının üstündә
sәma gömgöy çiçәk kimi görünür yenә...
* * *
Bu haylı-haraylı, bu şux, bu çılğın
günlәrdәn qaçmağa çalışıram mәn.
Hәrdәnbir qәribә sәslәr eşidib,
qәrib gecәlәrә qarışıram mәn.
Ulduzlar sayrışır damlalar kimi...
uzaq sonsuzluqda xırda canıyla.
Kimsә göy üzünün darvazasına
qalxır, qalxır sәfәq pillәkanıyla.
Aparır әlindә ruhunu da o,
toz-torpaq içindәn yığır sәsini.
Başqa mәkanlara boylanmaq üçün,
açır göy üzünün pәncәrәsini ...
38
