Page 36 - Bagater Arabuli_Layout 1

Bağater Arabuli

Axır gәlib yetişdin – küçәsinә göz yaşı,
Dәrd daşları döşәnmiş acılar ölkәsinә.
Şübhә tikanlarıyla yaralı ürәyindә
Görәn, fәlәk nә yazıb taleyin bәlgәsinә?

Beşik başında deyilәnlәr

Tanrı yar olacaq sәnә dә, yavrum,
Sәni dә gül kimi açan görәcәm.
Şehli ot üstündә yalın ayaqla,
Haçansa sәni dә qaçan görәcәm..

Haçansa qapında şahә qalxacaq,
Bir kәhәr yay kimi dartıb özünü.
Sәn dә neçә-neçә sözlәr içindә,
Әn çox sevәcәksәn “vәtәn” sözünü.

Hәrdәn yaşamağa tәlәsdirsә dә,
Sanma ümidini ac qoyacaq o.
Sәnin ya dәfnәdәn, ya da tikandan
Axırda başına tac qoyacaq o.

Yavrum, yar olacaq sәnә dә Tanrı,
Sәni dә gül kimi açan görәcәm.
Şehli ot içindә yalın ayaqla,
Haçansa sәni dә qaçan görәcәm.

36