Page 34 - Bagater Arabuli_Layout 1

Bağater Arabuli

Dörd yanı sәssizlik sarıb,
otlar arasında gizlәnmiş
kәdәr qarşılayır bizi.
Bar әvәzinә
alma ağaclarının hәsrәti oxşayır könlümüzü.
Çoxdan insan әllәri toxunmayıb bunlara,
heç kәs meyvәsini dadmaq istәmәyib.
Yalnız quşlar yuva qurur budaqları arasında...

* * *

Göy üzündәn kim asır
bu gümüş çilçırağı?
Ağ qarı qışın üstdә
kim yağdırır, kim axı?
Gecәlәr kim açır, kim
külәklәri çidardan?
Yollayır bu dünyaya
qasırğanı kim, hardan?
Zülmәt gecәni qovan,
şәfәqi yandıran kim?
Sәmanın xalısına
ulduzları toxuyan;
Könlümdәki bu mәhkum
sevdadımı oxuyan?
Kimdi, mәni әzabla
mükafatlandıran kim?
Göy üzündәn kim asır
bu gümüş çilçırağı?
Ağ qarı qışın üstdә
kim yağdırır, kim axı?

34