Page 33 - Bagater Arabuli_Layout 1
P. 33
Gündüz yuxuları
Orda bizi kilsә qüllәlәri,
matsmaoluların viran qalmış daxmaları,
Xuncovaninin yaşıl zәmilәri gözlәyirdi.
Matsmaonun biçin yerlәrindәn yuxarıda
Pşav-Xevsureti, Datvi-Qveleti vә Akuşonun
vәrәqlәri yaşıl, sarı rәnglәrlә
boyanmış kitab kimi açılır...
Әcdadlarımızın qanıyla yazılı,
günәş şәfәqiylә, ay işığıyla “sırınmış”
rәvayәtlәr, әfsanәlәr...
Bu da sәpin yerlәri,
bu da saralmış otların ilahi xışıltısını
ayağımızın altına sәrәn ibadәtgah...
“Acı da, toxu da
Allah saxlasın.
Qudani, Laşari ibadәtgahları hamınızı qorusun...” –
qәlbimizi inamla doldurur keşişin duası,
Tanrı nәzәrini üstünә salır sanki...
Qurbanlıq qoçların qanıyla çәkdiyimiz xaçlar
nur saçır alnımızda...
Yadıma salmayın Matsmao dağlarını,
heç matsmaoluları da xatırlatmayın!
Bıçağın itilәnmiş ağzında yeriyirmiş kimi,
istәmirәm yenidәn üzәrindәn keçәm xatirәlәrin!
istәmirәm qәlbimә basam
bu ağrının közünü.
Uşaqlığımın kәndini yadıma salmayın,
artıq yoxdur o.
Evlәrimizin yerindә dikәlәn gicitkәnlәr
düşmәn әsgәrlәridir elә bil.
Sanki cәngәlliyin dumanı bürümüş daş-kәsәk
güllәlәnmiş insan yığınıdı.
33
