Page 24 - Bagater Arabuli_Layout 1

Bağater Arabuli

Bahar hәsrәtli qış eskizlәri

Qış gәlir...
Dağların zirvәlәrindә
qarın bәyaz dillәrini titrәdir külәk.
Şәhәrә paylamaqçün
ağ qar dәnәciklәrinin hәsrәtini gәtirir uzaqlardan...

Baharın gözәl oyanışı!
Bizә hardan gәlib toxunacaqsan?
Şahә qalxmış atların haralarda kişnәyir?
Hansı dağı, hansı çölü bәzәyirsәn qürbәtdә?
Hansı meşәdә, hansı cәngәllikdә asmısan
tәbillәrini, yaşıl zınqırovlarını?
Uzaqdakı dağlarda
qarın bәyaz dillәrini titrәdir külәk...
Şәhәr – gecә sahilindә durmuş gәmi kimi
işıqlı kayutlardan zülmәtә baxır...
Sәrnişinlәr sәyahәt üçün
yol ehtiyatı görür içәridә...
Çoxu yetişә bilmәyәcәk
baharın sahilinә,
başqa bir liman görmәyәcәk heç vaxt...
Burdasa gәmiyә minәnlәrin
yeni növbәlәri sıralanır...
Biz bu sahilә çatanda
dәrdli könlünü
buz libasının altında gizlәdib
mürgülәyirdi çay...
Onda biz
uzaqlarda qaralan dağların
vә göy üzünün şölәsiylә bәzәnmiş
nәhәng çayların adını
24