Page 21 - Bagater Arabuli_Layout 1

Gündüz yuxuları

(Әylәnmәyә çox az şey bәs edir adamlara),
Yanmasın deyә zol-zol qamçıyla bәdәniniz –
Hәtta sümüyünüzә düşmәsә dә musiqi,
Durub oynayasınız hәr havaya gәrәk siz.

Sizi vәhşi atların sәslәyir kişnәrtisi,
Sәslәyir yuxunuzda öpüb yallarınızı.
Üstünüzә qışqırır kimsә: “rәqsi başlayın!”
Oynayırsınız, yerә döyüb nallarınızı.

Mәşq zamanı olmazın işgәncә versәlәr dә,
Yağdırıb başınıza qamçı yağışlarını...
Nә qantarğa, nә cilov, nә dә yüyәn saxlayar
Gözünüzün odunu – qәmli baxışlarını.

Taiya

Alçalar çiçәk açıb Mtatsminda dağında,
Taiya yanımla qaçır tәbәssüm dodağında.
– Şәhәrin küçәlәri heç gәlirmi xoşuna?
– Sual vermә boşuna!
– Dәf elәyә bilmәzsәn bu yerli oğlanları.
– Elә söylәmә barı.

Alçalar çiçәk açıb Mtatsminda dağında,
Taiya yanımla qaçır tәbәssüm dodağında...

Şeirә yazılmış şeir...

Unudulub, tәrk edilib,
dünyada özgәlәrin dәrdlәriylә yaşayacaqsan.
Sәni görmәkçün heç kim
21