Page 23 - Bagater Arabuli_Layout 1
P. 23
Gündüz yuxuları
heç bir sәrvәtә dәyişmәz o.
Şәhәr yatandan –
küçәlәr, prospektlәr
yorğun başlarının altına
gecә yastığını qoyandan
sübh açılanacan baş-başa qaldığı pulunu sayar...
O qәdәr varlıdı ki,
öz sәrvәtindәn özü qorxur gecәlәr...
* * *
Keçilmәz sıx meşәdә koma, qaranlıq... işıq...
Könlümdәn yapışıbdır kәdәrin bir әli dә.
Görüşmәk ümidiylә sizlәrdәn ayrılıram,
Bilmirәm nә gözlәyir heç mәni irәlidә.
Gәl soruşma halımı – tәnhadan da betәrәm,
Qorxunun qabağında yenә, yenә sınıram.
Neçәnci kәrәdir ki, tәrk edirәm tәnimi...
Amma bunun ilk dәfә olduğunu sanıram.
* * *
Bu gün mәnim qürbәtә bәnzәyir bәxt ulduzum,
Qürbәtә – ruh oxşayan külәklәr әsәn yerә.
Könlümü nә güldürәn, nә dә sevindirәn var,
Dönmüşәm buz soyuqlar qılınctәk kәsәn yerә .
Bәxt deyilәn bir geniş, geniş mәcralı çaydı,
Heç zaman yatağının istәmәz darlığını.
Onu üzüb keçmәyә çalışan hәr bir kәsi
Yıxar, yuyub aparar izini, varlığını.
23
