Page 203 - anderson_Макет 1

Yetkinlik

Bir anlıq özünü elә tәnha vә kәdәrli hiss etdi ki, ağlamağı
gәldi, amma qürurunu sındırmaq istәmәdi. Qollarını yellәdәrәk
yeyin addımlarla yoluna davam etdi. Vesley Moyerin at tövlәsinә
gәlib kölgәdә dayandı. Vesleyin günorta yarışda qalib gәlmiş
Toni Tip adlı kәhәr atı haqqında danışan kişilәrin söhbәtini din -
lә mәyә başladı. Tövlәnin qabağına bir xeyli adam yığılmışdı vә
Vesley özündәnrazı bir әdayla lovğa-lovğa onların qabağında
gәzişirdi. Әlindәki qamçını tez-tez yerә vururdu. Qamçının zәrbә -
siy lә yerdәn burum-burum tozlar qalxır, lampa işığına tәrәf
uçuşur du lar.
– Yaxşı, Hell, bәsdir bu qәdәr danışdın. Mәn qorxmurdum.
Hәmişә onları udmuşdum, bilirdim, yenә udacam. Ona görә dә
narahat deyildim, – Vesley deyirdi.
Corc Villarda Vesley Moyerin bu lovğalığı hәmişә maraqlı
gәlәrdi. Amma indi Moyerin danışığı onu әsәbilәşdirdi. O, üzünü
çevirib küçәyә çıxdı.
– Gәvәzә kaftar, – Corc qәzәblә dedi. – Bu adam niyә bu
qәdәr lovğalanır? Niyә sәsini kәsib yerindә oturmur?
Corc açıq vә geniş bir әraziyә gәldi. Tәlәsik yeridiyindәn
zibil topasının üstünә yıxıldı. Boş çәllәyin qırağından çıxan
mismar şalvarını cırdı. Bir müddәt әlacsız halda torpağın üstündә
oturdu vә söymәyә başladı. Cırılmış yeri sancaqla müvәqqәti
düzәltdi. Ayağa qalxıb yoluna davam etdi.
– Helenin evinә gedәcәm. Hә, elә bu dәqiqә, bu dәqiqә
gedәcәm. Deyәcәm ki, onu görmәk istәyirdim. Lazım gәlsә,
içәri keçib oturacam, – öz-özünә dedi vә çәpәri aşıb qaçmağa
başladı.
Helen evlәrinin eyvanında narahat vә әndişәli halda oturmuşdu.
Kollec müәllimi dә Helenin anasıyla onun arasında әylәşmişdi.
Müәllimin söhbәtlәri qızı yorurdu. O, Ohayo qәsәbәlәrinin birindә
doğulsa da, şәhәrlilәr kimi danışmağa çalışır, kosmopolit olduğunu
tez-tez tәkrar edirdi.

203