Page 200 - anderson_Макет 1

Şervud Anderson

yaşamalıdır. Bunları düşünә-düşünә onu titrәtmә tutur, gәrgin
baxışlarla әtrafına baxır. Bu on sәkkiz illik hәyatının kiçik bir an
olduğunu, insanlığın böyük yürüşündә cәmi bircә addımlıq mәsafә
qәdәr yol gәldiyini dәrk elәyir. Vә artıq ölümün hәnirtisini eşidir.
Bütün ruhunu saran dәrin bir istәklә başqa bir insana yaxınlaşmaq,
әllәri ilә ona toxunmaq vә onun da әllәrinin toxunuşunu hiss
etmәk istәyir. Xәyalına gәtirir ki, bu insan arzu etdiyi gözәlliyi
özündә gәzdirәn vә onun bütün hisslәrini başa düşәn bir qadındır.
Anlayır ki, hәr şeydәn çox başa düşülmәyini istәyir.
Bu duyğular Corc Villardı çaşbaş salanda Vaynzburq bankirinin
qızı Helen Vaytı düşünürdü. Çünki Helen Vaytın da onun kimi
yeni bir mәrhәlәyә qәdәm qoyduğunu, artıq qadın kimi yetişdiyini
bilirdi. Bir dәfә, bir yay gecәsindә Helen Vaytla gәzәrkәn, on
sәkkiz yaşı olmasına baxmayaraq, qızın gözlәrindә önәmli vә
böyük adam kimi görünmәyә çalışaraq bir xeyli lovğalanmış,
özünü ağızdolusu tәriflәmişdi. İndi isә o, Helen Vaytı başqa şey
üçün görmәk istәyirdi. Qıza yeni arzuları haqqında danışmaq
istәyirdi. Bir vaxtlar qızın gözlәrinә özünü әsl kişi kimi göstәrmәyә
çalışanda hәlә kişilik mәrhәlәsindәn uzaq idi. İndi isә qızın
yanında olmağa vә özündә baş verәn bu dәyişikliyi ona hiss
etdirmәyә can atırdı.
Helen Vayta gәlincә, bәli, Corcun düşündüyü kimi, o da
dәyişiklik mәrhәlәsindә idi. Corcun hiss etdiklәrini o da hiss
edirdi. Helen artıq yeniyetmә qız deyildi. Bütün qәlbi ilә qadın
gözәlliyinә vә zәrifliyinә qovuşmaq arzusunda idi. O, Kolumbiyada
kollecdә oxuyurdu vә Yarmarka gününü Vaynz burq da keçirmәk
üçün birgünlük tәtilә gәlmişdi. Onun da gözlәri önündә xatirәlәr
bir-bir canlanmaqda idi. Bütün günü anasının qonağı olan kollec
müәllimi ilә tribunada oturmuşdu. Bu gәnc oğlan xasiyyәtcә çox
vasvası idi vә qız bunu dәrhal hiss edib istәdiyi adamın bu
olmadığını başa düşmüşdü. Amma yarmarkada yanında belә bir
adamın olmasından mәmnun idi, çünki oğlan yaxşı geyinmişdi
vә başqa yerdәn gәldiyi dәrhal hiss edilirdi. Qız bilirdi ki, bu

200