Page 196 - anderson_Макет 1

Şervud Anderson

dodaqlarını gәtirdi, o dodaqların öz dodaqlarına toxundu ğu nu
düşündü. Sonra bәdәni titrәmәyә, әllәri әsmәyә başladı. Ona
nәsә oldu, qәfildәn ayağa qalxıb dimdik dayandı. Üstünә ağ
parça örtülmüş qadının meyitinә baxdı vә bir az әvvәl
düşündüklәrinә görә elә utandı ki, özünü ağlamaqdan saxlaya
bilmәdi. Kiminsә onu izlәdiyindәn qorxmuş halda başını döndәrib
günahkar-günahkar әtrafa baxdı.
Birdәn Corcu dәli bir istәk bürüdü. O, ağ parçanı qaldırıb
anasına, onun üzünә baxmaq istәdi. Bu istәk o qәdәr güclәndi ki,
Corc qarşısında çarpayıda uzanan bu qadının anası yox, başqa
biri olduğuna inanmağa başladı vә bu, ona elә inandırıcı göründü
ki, artıq dözә bilmәdiyini hiss elәdi. Ona elә gәlirdi ki, çarpayıda
uzanan qadının boyu daha uzun, bәdәni daha gәncdir. Üstәlik, bu
bәdәn daha gözәldir. O, qәfildәn bu qadının da sağ olduğuna, hәr
an çarpayıdan qalxıb onunla göz-gözә gәlәcәyinә inanmağa
başladı vә yenidәn dözә bilmәdiyini hiss edәn Corc әlini ağ
parçaya uzatdı. Parçanı azca qaldırsa da, axıracan qaldırmağa
cәsarәti çatmadı. Sonra Hәkim Rifi kimi, o da üzünü qapıya
çevirib otaqdan çıxdı. Dәhlizdә qapının ağzında dayandı. Canını
dәhşәtli bir titrәmә aldı vә yıxılmamaq üçün divara söykәndi.
– Yox, o, mәnim anam deyil, mәnim anam deyil, – deyә öz-
özünә pıçıldadı vә hәlә dә anasının öldüyünә inanmayaraq qorxu
içindә әsmәyә davam elәdi. Xanım Elizabet Svift yan otaqdan
dәhlizә çıxanda Corc onun әllәrindәn tutdu vә kәdәr içindә başını
yellәyә-yellәyә hönkürtü ilә ağlamağa başladı.
– Anam ölüb, xala, anam ölüb, – deyә gözlәrini anasının
uzandığı otağın qapısına zillәdi vә ağlaya-ağlaya ucadan çağırdı:
– Ana, anacan, anacan!..
Şәhәrdә yeni hәyata başlaması üçün Elizabetin Corca vermәk
istәdiyi sәkkiz yüz dollar isә çarpayının ayaq tәrәfindә, divarın
suvağı altında gizlәdilmiş qutunun içindә qaldı. Elizabet qutunu
hәmin yerә toylarından bir hәftә sonra qoymuşdu. O, divarın
suvağını yarmış vә qutunu ora qoyduqdan sonra mehmanxanada
işlәyәn fәhlәlәrdәn birini gәtirәrәk hәmin yeri әvvәlki kimi

196