Page 132 - anderson_Макет 1

Şervud Anderson

qaydasında olduğunu görәndәn sonra “Nyu Villard Hauz”a gәldi
vә qapını astaca döydü. Hop bütün gecәni sobanın yanında
keçirmәyә hazırlaşırdı.
– Sәn istәyirsәn, get yat, sobaya mәn baxaram, – xırda uşaq
çarpayısında mürgülәyәn oğlana dedi.
Hop sobanın yanında әylәşdi vә ayaqqabılarını çıxardı. Oğlan
yatmaq üçün öz otağına getdikdәn sonra Hop Hiqqinz görәcәyi
işlәri götür-qoy etmәyә başladı. O, yazda evini tәmir etmәk
istәyirdi vә tәmirә, fәhlәlәrә verәcәyi pulu dәqiqliklә hesablamağa
çalışırdı. Altmış yaşı var idi, artıq tәqaüdә çıxmaq fikrindәydi.
Vәtәndaş müharibәsindә iştirak etdiyi üçün ona hәr ay әlavә pul
da verilirdi. Hop Hiqqinz neçә vaxtdan bәri pul qazanmağın
başqa yollarını axtarırdı vә hardansa ağlına batmışdı ki, safsar
saxlamaqla yaxşı qazanc әldә edә bilәr. Evinin zirzәmisindә bu
qәribә, vәhşi vә balaca mәxluqlardan dördünü saxlayırdı. Bu
heyvanlardan ovçular әn çox dovşan ovunda istifadә edirdilәr.
– Demәli, indi bir erkәk, üç dә dişi var, – o düşünürdü. –
Bәxtim gәtirsә, yaza qәdәr çoxaldıb ondörd-onbeş elәyә bilәrәm.
O biri il dә qәzetlәrdә satış üçün elanlar vermәk imkanım olar.
Hop Hiqqinz stuluna yayxanaraq bir anlıq xәyallarından
uzaqlaşdı. Amma onu yuxu tutmadı. Artıq neçә il idi ki, uzun
gecәlәrdә saatlarla belә oturar, amma nә yuxulu, nә dә oyaq
olardı. Sәhәrlәr isә bütün gecәni rahat yatmış adamlar kimi
özünü gümrah hiss edәrdi.
O gecә oyaq qalan dörd nәfәrdәn biri dә Corc Villard idi.
Corc bütün diqqәtini yazdığı hekayәyә yönәltmәyә çalışsa da,
әslindә, hәlә dә sәhәrçağı ocağın әtrafında oturarkәn qәrq olduğu
düşüncәlәrdәn xilas ola bilmәmişdi.
Presbayterian kilsәsinin zәng qüllәsindәki qaranlıq otağında
oturan keşiş Körtis Hartmen uzun illәrdәn bәri bәslәdiyi ümidlә
Allahdan vәhy gözlәyirdi.
O gecәnin oyaq qalanlarından biri Keyt Svift isә evindәn
çıxaraq soyuq vә qarlı küçәlәrdә gәzişirdi. O, evdәn çıxanda saat
on idi. Bu axşam gәzintisi onun özü üçün dә gözlәnilmәz olmuşdu.
Belә soyuq havada çölә çıxmaq niyyәti olmayan Keyt Svifti
sanki o gecә onun haqqında düşünәn iki adam öz düşün cә lә ri ilә

132