Page 127 - anderson_Макет 1

Tanrının qüdrәti

Kilsәnin zәng qüllәsindәki otaq bumbuz idi vә içәri girәn
kimi keşiş hiss etdi ki, burada çox qalsa, xәstәlәnәcәk. Yaş ayaq -
la rını qurutmaq üçün otaqda soba yox idi. Qarşıdakı evin otağında
isә Keyt Svift gözә dәymirdi. Keşiş sәbirlә gözlәmәyә başladı.
Soyuq stulda әylәşib bir әli ilә üstündә hәr zaman İncil olan
masasının kәnarından yapışdı. İndi onun beynindәn ömrü boyu
düşünmәdiyi әn qara, әn çirkli xәyallar keçirdi. Keşiş bir anlıq
öz arvadına qarşı nifrәt duyduğunu hiss elәdi.
“O, hәmişә ehtiraslı hәyatdan utanıb, hәmişә mәni aldadıb, –
keşiş düşünürdü. – Hәr kişinin haqqı var ki, xoşbәxt olsun, qadın
gözәlliyindәn zövq alsın. Heç kim öz içindәki heyvani istәklәri
öldürmәmәlidir! Yeri gәlsә, mәn ondan ayrılacam, başqa qadınların
arxasınca düşәcәm! O mәktәb müәllimәsindәn әl çәkmәyәcәm!
Mәn bu zavallı insanlar kimi özümü aldatmayacam! Özümü bu
istәklәrdәn arınmış mәlәk kimi göstәrmәyәcәm! Әgәr, doğrudan
da, mәnim ürәyimdә heyvani istәklәr varsa, onda mәn daha heç
vaxt öz istәklәrimdәn qaçmayacam! Lazım gәlsә, qalan ömrümü
ancaq bu istәklәrlә yaşayacam”.
Keşiş hәm soyuqdan, hәm dә ürәyindә gedәn mübarizәnin
dәhşәtindәn tir-tir әsirdi. Bir neçә saat da belәcә gözlәdi. Qәribә
bir istiliyin yavaş-yavaş bәdәninә yayıldığını, boğazında ağrılar
başlandığını, soyuqdan dişlәrinin bir-birinә dәyib şaqqıldadığını
vә ayaqlarının buza döndüyünü keşiş çox yaxşı hiss edirdi, amma
qadını görmәdәn oradan getmәyi ağlına da gәtirmirdi.
“Bu gün onu yenә görmәliyәm! Mütlәq görmәliyәm! Bundan
sonra qorxmayacam, istәdiklәrimi düşünәcәm”, – bir әli ilә hәlә
dә masanın kәnarından yapışaraq dayanan keşiş düşünürdü.
Kilsәnin bumbuz otağında soyuqdan әsәrәk gözlәsә dә, o
gecә baş verәnlәr keşişә hәyatının qalan illәrini necә yaşayacağını
müәyyәnlәşdirmәkdә kömәk elәmişdi. Zәng qüllәsindәn Keyt
Sviftin otağının hәr yeri görünmürdü. Otağın ancaq çarpayı
qoyulan hissәsini görmәk mümkün idi. Keşiş hәr dәfә gözünü
hәmin yerә zillәyir vә әyninә ağ rәngli gecә paltarını geyinmiş
qadın otaqda görünәnә qәdәr gözlәyirdi. Qadın әvvәlcә çarpayıda
oturur, sonra işığı yandırıb yastıqlara dirsәklәnәrәk kitab oxumağa
başlayırdı. Bәzәn arabir siqaret dә çәkirdi. Bu vaxtlarda onun
ancaq çılpaq çiyinlәri vә boğazı görünürdü.

127