Page 123 - anderson_Макет 1

Tanrının qüdrәti

Keşişin pәncәrәdәn gördüyü ev Presbayterian kilsәsinin
qarşısında yerlәşirdi. Vaynzburq Milli Bankında xeyli pulu olan
dul qadın Elizabet Sviftlә qızı Keyt Svift hәmin evdә yaşayırdı.
Mәktәbdә müәllimә işlәyәn Keyt Sviftin otuz yaşı var idi.
Vaynzburqda dostluq etdiyi adamlar çox deyildi. Hәmişә sәliqәli
vә zövqlü geyinәrdi. Gözәl danışığına görә mәktәbdә özünә
hörmәt qazana bilmişdi. O, Avropanın bir neçә ölkәsindә olmuş
vә iki il Nyu Yorkda yaşamışdı. Körtis Hartmen hәmin qadının
әvvәllәr Avropada vә Nyu Yorkda yaşadığını bilәndәn sonra
onun siqaret çәkmәsinә ürәyinin dәrinliyindә böyük bir günah
kimi baxmır vә “bәlkә dә, onun siqaret çәkmәsi böyük qüsur
deyil” deyә düşünürdü. Keşiş kollecdә tәhsil alarkәn oxuduğu
romanları, o romanlarda tәsvir edilmiş siqaret çәkәn müasir
qadın obrazlarını xatırlayırdı. O, keçәn hәftә hәmin qadını
gördükdәn sonra duyduğu qorxu vә utanc hissini indi xatırlamaq
istәmir, hәr bazar sәhәri öz otağında etdiyi ibadәtә indi heç bir
gәrәk duymur vә yeni dinlәyicisinin dә hәvәslә onun moizәsinә
qulaq asacağını xәyalına gәtirәrәk, minbәr arxasındakı növbәti
çıxışına daha böyük canfәşanlıqla hazırlaşırdı.
Körtis Hartmen gәncliyindә dә qadınlarla yaxın münasibәt
qurmamışdı. İndiana ştatının Mansi әyalәtindәn olan atası arabaçı
idi vә oğlunun tәhsil alması üçün hәr zәhmәtә qatlaşırdı. Körtis
Hartmen indiki hәyat yoldaşına mәktәb illәrindә rast gәlmişdi vә
uzun müddәt bir-birlәri ilә sevgili olduqdan sonra evlәnmişdilәr.
Bu evlilik daha çox qızın tәşәbbüsü ilә baş tutmuşdu. Toy
günündә varlı ata öz qızı üçün beş min dollar pul ayırmışdı,
vәsiyyәtindә isә onun üçün bundan iki dәfә çox mәblәğ nәzәrdә
tutmuşdu. Keşiş bu nikahın onun üçün çox uğurlu olduğuna
inanaraq evliliyi boyunca başqa qadınlar haqqında düşünmәmişdi.
Buna heç ehtiyac da duymamışdı. Onun yeganә istәdiyi şey sakit
bir hәyat sürәrәk Tanrıya ibadәt etmәk idi.
Amma indi o qızı gördükdәn sonra keşişin ürәyindә qәribә
vә anlaşılmaz hisslәr baş qaldırmışdı. Öz moizәlәri ilә Keyt
Sviftә tәsir göstәrmәk, onun ürәyinә yol tapmaq arzusundan
başqa, keşişi bir istәk dә narahat edirdi. O, çarpayısının üzәrindә
sakitcә uzanmış hәmin qadının ağ bәdәninә, ağ çiyinlәrinә bir dә
baxmaq istәyirdi. Bu fikirlәr ucbatından heç cür gözünә yuxu
getmәyәn keşiş bazar günü sәhәr yerindәn qalxdı vә evindәn

123