Page 126 - anderson_Макет 1

Şervud Anderson

kilsәni tәrk edәrәk sakit vә qaranlıq küçәyә çıxmış, duasını
dayandırmadan gecәyarısına qәdәr gәzmәyә davam etmişdi. O,
öz hisslәrini anlaya bilmirdi. Bәzәn bir neçә hәftә boyunca hәmin
qadın tәk-tük hallarda yadına düşәrdi vә buna görә dә artıq
nәfsinә qalib gәldiyini düşünәrdi. Lakin sonra qәfildәn hәr şey
dәyişәrdi. Evindәki iş otağında, masasının arxasında oturub bütün
diqqәtini moizә kağızlarına yönәltdiyi halda, birdәn ona nәsә
olar, әsәblәri gәrilәrdi. Ayağa durub otağın içindә o başa, bu başa
gedәrәk var-gәl edәrdi. Öz-özünә “gedirәm, indi gedirәm” deyәrәk
küçәyә çıxardı. Amma kilsә qapısının astanasında dayanarkәn
belә, bura gәlişinin әsl sәbәbini özünә etiraf etmәk istәmәzdi:
– Şüşәni düzәltmәyәcәm, hәr gün dә bura gәlәcәm, amma
ona baxmayacam. Bunu bacarmaq çәtin deyil. Tanrı özü bu
sınağı mәnim qabağıma çıxarıb. Mәn bu sınaqdan üzüağ çıxacam!
Mәn bunu bacaracam!
Yanvar qarlarının Vaynzburq küçәlәrini ağ rәngә bürüdüyü
şaxtalı qış gecәlәrinin birindә Körtis Hartmen axırıncı dәfә
kilsәnin zәng qüllәsindәki hәmin otağa getdi. Tәlәsdiyindәn
çәkmәlәrini geyinmәyi dә unudan keşiş saat doqquzda evdәn
çıxdı. Meyn küçәsindә gecә gözәtçisi Hop Hiqinzdәn başqa, heç
kim gözә dәymirdi. O şaxtalı qış gecәsindә oyaq qalanlardan biri
dә redaksiyadakı otağında oturub yeni hekayәsi üzәrindә işlәyәn
gәnc Corc Villard idi. Kilsә yollarına yağan qar üstündә indi
keşişin ayaq izlәri görünürdü vә o artıq әmin idi ki, bu dәfә
hәmin yollar onu günaha aparır.
– Onu yenә görmәk istәyirәm, doyunca baxmaq istәyirәm
ona. Bundan sonra özümә zülm elәmәyәcәm, onun çiyinlәrini
öpmәk istәyini özümdәn gizlәtmәyәcәm.
Bu sözlәri deyәrkәn, nә qәdәr çalışsa da, göz yaşlarını
saxlaya bilmәdi. O artıq keşişlikdәn әl çәkmәk vә özünә yeni bir
hәyat qurmaq haqqında düşünürdü.
– Gedәcәm, gedәcәm buralardan, özümә başqa iş tapacam.
Әgәr mәn bu cür yaradılmışamsa, günahlar qarşısında bu cür
zәifәmsә, daha müqavimәt göstәrmәyәcәm, qoy nә olur-olsun,
qoy әn pis günahlara batım, әn azından ikiüzlü olmaram. Bir
tәrәfdәn camaata ağıl öyrәdib, o biri tәrәfdәn bu namәhrәm
qadına baxmaram.

126