Page 131 - anderson_Макет 1

Müәllimә

amma onun niyә belә danışdığını, nә üçün belә hәyәcanlandığını
anlaya bilmirdi. Corca bir anlıq elә gәlmişdi ki, müәllimәsi ona
vuru lub. Bu fikir isә xoşuna gәlmәklә bәrabәr, hәm dә onu nara -
hat edirdi.
Corc ocağa çör-çöp atarkәn kiminsә onu eşidә bilәcәyindәn
ehtiyatlandığı üçün әtrafına baxdı vә Keyt Sviftlә üzbәüz dayan -
dı ğını tәsәvvürünә gәtirәrәk danışmağa başladı:
– Sәn mәnә nәsә demәk istәyirsәn. Bәlkә dә, sәni yanlış
anlamışam, amma mәnim haqqımda nә düşündüyünü öyrәnәcәm,
mütlәq öyrәnәcәm.
Gәnc Corc ayağa qalxdı vә qaladığı ocağı arxasında buraxaraq
gәldiyi yolla yavaş-yavaş qәsәbәyә tәrәf üz tutdu. Yeridikcә
konkilәrin şaqqıltısı eşidilirdi. “Nyu Villard Hauz”da yerlәşәn
evinә qayıtdıqdan sonra otağındakı sobanı qaladı vә çarpayısına
uzanaraq yenә dә düşüncәlәrә daldı. Bu dәfә onun düşüncәlәrinә
şәhvani duyğular hakim kәsilmişdi. Pәrdәni çәkәrәk gözlәrini
bağladı vә üzünü divara tәrәf çevirdi. Öz sözlәri ilә onun hisslәrini
oyatmağı bacarmış müәllimәsi Keyt Svifti, sonra isә bir vaxtlar
uzun bir eşq macәrası yaşadığı şәhәrdәki bank rәhbәrinin qızı
Helen Vaytı xatırlayaraq yastığı sinәsinә sıxdı.
Hәmin gün axşam saat doqquza qәdәr Vaynzburqun bütün
küçәlәri artıq tamam qarla örtülmüş, hava daha da soyumuşdu.
Әtrafda gәzmәk getdikcә çәtinlәşirdi. Bütün dükanların işıqları
söndürülmüş, hamı öz evinә çәkilmişdi. Klivlenddәn gәlәn axşam
qatarı gecikirdi, amma Vaynzburqda o qatarı gözlәyәn bircә
adam da yox idi. Min sәkkiz yüz nәfәr әhalisi olan Vaynzburqda
saat ona qәdәr hamı yatağına uzanaraq yuxunu gözlәyirdi. Amma
o kiçik qәsәbәdә dörd nәfәr var idi ki, hәmin gecә hәr kәs
yuxuda olduğu zaman yalnız onlar oyaq idi.
Bunlardan biri gecә gözәtçisi Hop Hiqqinz idi. Hәmişә ağır
çәliklә gәzәn Hop Hiqqinz axsaya-axsaya yeriyirdi. Qaranlıq
gecәlәrdә özü ilә bir fәnәr dә daşıyırdı. Saat doqquzu keçәndәn
sonra hәr şeyin qaydasında olduğunu öyrәnmәk üçün әtrafda
dolaşmağa başladı. Meyn küçәsi boyunca sәndәlәyә-sәndәlәyә
yeriyәrәk bütün qapıları bir-bir yoxladı. Yaxın binaların arasındakı
dar küçәlәrdәn keçәrәk arxa qapılara da göz gәzdirib hәr şeyin

131