Page 130 - anderson_Макет 1

Şervud Anderson

MÜӘLLİMӘ

Tәxminәn sәhәr saat ondan yağmağa başlayan qar bütün
Vaynzburqu öz ağuşuna almışdı. Arabir külәk әsir vә yerә çatmağa
macal tapmayan qar dәnәlәrini küçә boyunca sovururdu. Qar
altında qalan palçığı donmuş şәhәr yollarının nahamarlığı indi
daha gözә çarpmırdı.
– Bu qarda yaxşı xizәk sürmәk olar, – Ed Qirifisin meyxanasında
piştaxtanın yanında dayanan Vill Henderson düşünürdü. Qapıdan
çıxarkәn ayağında iri, sukeçirmәz çәkmәlәri ilә sәndәlәyә-sәn -
dә lәyә meyxanaya tәrәf gәlәn aptekçi Silvester Vestlә qarşılaşdı.
– Qara görә şәnbә günü hamı tökülüşüb şәhәrә gәlәcәk, –
әczaçı dedi. Daha sonra onlar içәri keçib söhbәt elәmәyә başladılar.
Ayaqlarına çәkmә geyinmәmiş Vill Hendersonun әynindә parıltılı
bir plaş var idi. O, sağ ayağının pәncәsi ilә sol ayağının dabanına
vura-vura әczaçının sözlәrini dinlәyirdi. Әczaçı isә müdrik
adamlar kimi qar haqqında danışmağa davam edirdi:
– Amma taxıl üçün bu qar çox yaxşı oldu.
Hәmin gün Corc Villardın mәtbәәdә işi yox idi. Buna görә
dә o, şәn görünürdü. Hәftәlik qәzet çap olunmuş vә çәrşәnbә
günü axşam poçta aparılmışdı. Qar isә sabahkı gün yağmağa
başlamışdı. Saat sәkkizdә, sәhәr qatarı keçdikdәn sonra Corc bir
cüt konkini dә götürәrәk Votervörks Ponda getdi, amma nәdәnsә
konki sürmәk fikrindәn daşındı. Gölmәçәnin yanından ötüb Vayn
çayına aparan cığırla fikirli-fikirli fıstıq meşәliyinә tәrәf gәldi.
Meşәyә çatan kimi ocaq qaladı vә kötüyün üstündә oturaraq
fikirlәşmәyә davam elәdi. Birazdan qar yağmağa, külәk әsmәyә
başlayanda Corc çör-çöp yığmaq üçün ayağa qalxdı.
Gәnc jurnalist sәhәrdәn bәri bir vaxtlar mәktәbdә onun
müәllimәsi olmuş Keyt Svift haqqında düşünürdü. Dünәn
axşamçağı müәllimәsinin ona vermәk istәdiyi kitabı götürmәk
üçün Keyt Sviftin evinә gedәndә Corc düz bir saat onunla evdә
tәk qalmışdı. Bununla neçәnci dәfәydi ki, Corc hәmin qadının
qәribә bir hәyәcanla, qәribә bir ciddiliklә danışdığını görür,

130