Page 123 - "Zəfər və ilğım"

– Qalina Nikolayevna. 123
– Hә, deyir ki, belә getsә, Yeseninә nifrәt elәmәyә
başlayacaqlar.
– Belә getmәz. Teatrda işin var?
– Mәnim? – Lüsya saatına baxdı, – bir saatdan sonra
mәşqdә olmalıyam. Remizova tamaşaya yeni Mışkin obrazı
әlavә etmәk istәyir. Rolu Şukin mәktәbinin cavan mәzunu
oynayacaq. Mәn onunla birgә “Aqlaya” obrazını canlandıra
bilәrәm? Yura, lazım gәlsә, mәni öz yanına götürәrsәn?
– Sәn hәm dә teatra rәhbәrlik etmәk istәyirsәn?
– Sәninlә birgә Puşkinin әsәrini sәhnәlәşdirmәk istәrdim.
– Elә isә, әsәri pyes şәklinә sal.
– Bәs sәn kömәk elәyәcәksәn?
– Әlbәttә, axı Dantesiz ötüşә bilmәzsәn.
– Tәәssüf! Mәn artıq çoxdandır ki, Natali deyilәm.
– Elә demә, sәn qocalan deyilsәn, Lüsya.
– Ay sәfeh, aktrisaya belә ikibaşlı kompliment deyәrlәr?
Qocalan deyilsәn! Evә gәlәndә baxarıq, kim qocalır, kim
hәlә cavandır. – Qadın әyilib, Kumirin qulağına nәsә pıçıl-
dadı vә vidalaşıb, tәlәsik palatadan çıxdı.

Meyerxold vә Stanislavski

Taqanka Teatrının sәhnәsi. S.Yeseninin poeması әsasında
hazırlanan “Puqaçov” tamaşası nümayiş etdirilirdi. Yaradıcı
heyәt tamaşanı tәhvil verirdi. Zәncirlәnmiş Xlopuşa-Vısotski
çırpınaraq, Yeseninin mәşhur sәtirlәrini sәslәndirdi:

Aparın, aparın, onun yanına
Baxmaq istəyirəm mən bu adama.

Tamaşaçıları zala buraxmamışdılar. Lübimov mәrkәzdә,
rejissor pultunun arxasında oturmuşdu, teatrın direktoru