Page 450 - Patrik Modiano "Seçilmiş əsərləri"

Ïàòðèê Ìîäèàíî

vә gәncliyimin ilk illәrini keçirdiyim Parislә hәmişәlik üzülüş-
mәliydim. Özüm özümә ürәk-dirәk verirdim ki, hәyatda bәzәn
qabıq qoyub, getmәk lazım olur…

Bu sәtirlәri yazarkәn, Rokruanın kabinetindәki telefon zәng
çaldı.

– Alo, Jan… Qitadır danışan… İşlәr necәdir?
– E-e… Hәr şey yaxşıdır, Qita.
– Sәsiniz belә birtәhәr çıxır… Sizi yuxudan oyatmadım ki?
– Yox-yox, Qita… Əksinә…
– Birisi gün Parisә qayıdıram. Orada görüşәcәyimizә ümid
edirәm. Mәnzildә hәr şey yaxşıdırmı?
– Hә. Qonaqpәrvәrliyinizә görә çox sağ olun.
– Zarafat edirsiniz, Jan?
– Hәftәsonu Klostersә, ailәmin yanına gedirәm.
– Heyif. Parisdә bir az da qala bilәrdiniz… İstәnilәn halda,
birisi gün görüşәrik.
– Əlbәttә, Qita. – Ciyәrlәrimә sinә dolusu hava çәkdim. –
Qita, bir söz soruşmaq istәyirәm…
– Buyur…
– Keçmişdә qurdalandığım üçün mәni qınayırsınız. Bәs izlәri
necә tapım?..
– Nәyin izlәrini?
– Heç, elә-belә dedim, Qita… Başa düşürsünüz… On doqquz
il әvvәl baş vermiş bu hadisәlәr…
– Bu, ziyanlı mәşğuliyyәtdir, Jan… – Bir dәqiqәlik sükutdan
sonra әlavә etdi, – Rokruanın kağızlarında maraqlı nәsә tapdınızmı?
– Hәlә bir soruşursunuz da, әlbәttә tapdım…
– Əziz Jan, qulaq asın… Bilirsinizmi, Rokrua hәmişә mәnә
nә deyirdi?
– Nә?