Page 47 - Miisir

yüksәkliyinә görә firon Xufunun ehramı ilә müqayisә oluna bilmәzdi. Memarlar
ehramları fironların şәrәfinә yaraşdıranacan, tikili mavi sәmaya çatanacan daşları
iyirmi il üst-üstә düzürdülәr.
Firon Xufunu isә “böyük gücә malik hökmdar”, “qәzәbli şir” vә “qüvvәtli öküz”
adlandırırdılar. Bütün adamlar, torpaqlar vә sular onun hakimiyyәti altında idi. Bir
sözü ilә qayalar yerindәn oynayırdı. Bir әmri ilә Nil çayı mәcrasından çıxır vә yenә
qayıdıb öz yerinә çәkilirdi. Firon bircә öz ürәyi ilә bacara bilmirdi.
Bir gün onun ürәyini qәm-qüssә, dözülmәz sıxıntı aldı. Qaşqabaqlı halda sarayı
dolaşmağa başladı. Onun ağır addımlarından sonra taxt-tacdakı qızıl әjdahanın
cingiltisini belә eşitmәk olurdu.
– Fırtına müjdәçisi ulduz göy üzündә peyda olub, – әyanlar pıçıltı ilә danışır,
tәşviş içindә sütunların vә heykәllәrin arxasında gizlәnirdilәr.
– İndicә kaman çәkilәcәk, indicә ox atılacaq, – divar boyu düzülmüş saray
adamları da söylәyirdilәr.
Xufu salondan salona keçmәkdәn bezikib, taxtına oturdu, әlini qızıldan düzәldilmiş
şahin başlı qoltuqaltına qoyub hökmlә әmr etdi:
– Şahzadәlәr gәlsin.
Әyanlar divarlardan qopub әmri yerinә yetirmәyә atıldılar. Elә tәlәskәnliklә
qaçırdılar ki, sanki öz kölgәlәrini dә ötüb-keçmәk istәyirdilәr.
Şahzadәlәr yubanmadan gәldilәr.
Әvvәlcә böyük oğul şahzadә Xefren içәri girdi. O, ucaboylu vә güclü idi. Sümük
lәlәkli oxla üç barmaq qalınlığında bürünc qalxanı deşmәk onun әlindә su içmәk kimi
asan bir şeydi.
47
Ondan sonra Baufren adlı ortancıl oğul gәldi. Onun gözәlliyi vә qәdd-qamәti
bütün Misir ölkәsinin dilindә dastana dönmüşdü.
Böyük qardaşların ardınca fironun üçüncü, nәvazişli vә gülәrüz oğlu Dedefqor
gәldi. Kiçik şahzadәnin elә dә möhkәm bәdәn quruluşu yox idi, amma deyilәnә görә,
elә bir papirus yazısı olmazdı ki, Dedefqor onları oxumamış olsun.
Şahzadәlәr salona daxil olanda hamıya elә gәldi ki, salon daha da işıqlandı.
Hamının qaşqabağı açıldı. Bircә firon әvvәlki kimi fikirli idi: alnında dәrin qırışlar
vardı, gözlәri aşağı sallanmış qaşları altından qәzәblә baxırdı.
Xufu danışmağa başladı vә taxt-tacdakı әjdaha buna cavab olaraq hәyәcanlı
sәslәr çıxardı.