Page 21 - dailan

Sonra tәklif elәdi ki, әn yaxşısı, ağacın
budağını sabunlayaq, Dailan Kifki dә sürüşә-sürüşә
aşağı düşsün, amma bu fikir mәnim xoşuma
gәlmәdi.

Atamın isә tәklifi bu oldu ki, bir nәfәr әlindә
kәndir ağaca dırmaşsın, kәndirin bir ucunu ağacın
çәtirinә, digәr ucunu da qonşuluqdakı göydәlәnin
damına bağlasın, Dailan Kifkinin dә әlinә bir çәtir
verәk, o da kәndirbazlar kimi ipin üstü ilә yeriyә-
yeriyә sağ-salamat göydәlәnin damına çıxsın.

– Hә, ata, sәnin planın әladır, – dedim. – Amma
fikirlәşmirsәn ki, bunun ardınca hansı çәtinlik
yaranacaq? Tutalım, Dailan Kifki binanın damına
gәlib çatdı, onu aşağı necә endirәcәyik? Liftә
yerlәşmir, pillәkәnlәri dә düşә bilmir.

Atam bu suala cavab verә bilmәdi vә yalnız
qulağının dalını qaşıdı.

Sonra xalam Klodomira әlindә çәtiri ortaya
çıxdı vә dedi:

– Görürsünüz? Mәn vaxtında demişdim ki, bu
fil sizә başağrısı olacaq, hәyasızın biridir o.
Utanmır o boyda fil, quş kimi ağacın başına çıxıb?

– Ay xala, qınaq vaxtı deyil, – ona cavab
verdim. – Bu dәqiqә әn vacib olan onu zәdәlәmәdәn
ağacdan aşağı salmaqdır.

– Bu ki çox asan işdir! – xalam dedi.
– Doğrudan? Necә edәk, sәncә?
– Budağı ehmallıca әymәk lazımdır.
– Bәs qırılsa necә? – soruşdum.