Page 11 - dailan

Dailan Kifki

– Yanğınsöndürәnlәrin hәr şeydәn başı çıxır...
Bir dә ki... baytar yatırdı, zәng edәndә mәnә
“quau”, “miau” kimi qәribә cavablar verdilәr, nә
olar, mәni başa düşün, cәnab Yanğınsöndürәn...

– Yaxşı, yaxşı, gedәk baxaq xәstәnizin qarnına,
– Yanğınsöndürәn razılaşdı.

Onu bağçaya aparanda xәstәnin fil olduğunu
görüb qәfil qorxmasın deyә çölün işığını
yandırmadım.

Bağça tam qaranlıq idi vә Yanğınsöndürәn filin
çıxardığı qәribә “buuu!” sәsini eşidәn kimi elә
qorxdu ki, dәrhal boynuma sarıldı, onu qucağıma
almalı oldum, әsә-әsә “anaaaa!” deyә qışqırırdı.

İşә bir baxın.
– Ayıb olsun, yanğınsöndürәn dә qorxar heç?! –
dedim.
O da bunu eşidib özünü topladı, qucağımdan yerә
düşdü, paltarını düzәltdi, baltasından vә xal-xal su
şlanqından bәrk-bәrk yapışıb Dailan Kifkiyә tәrәf
getdi.
– Bu nәdir belә? – qışqırdı. – Tәrsinә çevrilmiş
aydır-nәdir? Bәlkә, dağ parçasıdır?
Mәn dә hәyәtin işığını yandırdım.
Yanğınsöndürәn xәstәnin fil olduğunu görәn kimi
boynuna doladığı su şlanqı yerә düşdü, özü dә halsız
vәziyyәtdә şlanqın üstünә düşdü.
Onu zorla yerdәn qaldırdım vә bu dәfә tәpindim:
– Bәli, cәnab, bu, fildir! Bunda dәhşәtli nә var
ki?
– Yaxşı, yaxşı, әsәbilәşmәyin,
vurmayın mәni, – Yanğınsöndürәn
dedi. Sonra getdikcә daha bәrk ağlayan
Dailan Kifkini müayinәyә başladı.

11