Page 86 - "Dünya yuxutək əriyir..."

Şeirlər

Sәnsiz dәli kimi darıxıram mәn

Sәnsiz dәli kimi darıxıram mәn…
Bu hiss hәdәrsә dә, ürәyim üçün.
İstәyirәm sәnә deyim: «Sadәcә,
nәfәs dәrmәyә dә, sәnsiz yox gücüm».

Sәn ey Yer üzündә әn yaxın dostum!
Mәni kәlmәsiz dә başa düşürsәn.
Ürәyimi sıxan kәdәri, qәmi
Gözümün içindәn oxuyursan sәn.

Sәn arzu, әfsanә, sirli bir nağıl,
Günәş işığını heyran qoyursan!
Saxta maskalara yox ehtiyacım,
Yanımda sәnintәk, dostum varımsa.

Sәn bir xәyalsan ki, dilәrlәr sәni,
Sәni dilәyәnin qәlbi gül açar.
Buzlaqlar әriyәr hәrarәtindәn,
Öyrәtsәn, balıqlar göylәrdә uçar!

Sәn arzu, sәn Günәş, sәn Göy üzüsәn!
Ruhuma nurunla işıq saçırsan!
Bil ki, hiss elәsәm qayıtdığını,
İçim titrәyәcәk, qanad çalacam!

86 / 87