Page 81 - "Dünya yuxutək əriyir..."

la Əliyeva Dünya yuxutək əriyir...

Zamanla döyüşә girirәm yenә

Zamanla döyüşә girirәm yenә
Xәsis saatları lәnәtlәyirәm.
Qırıb dağıdıram saniyәlәri,
Qaçır dәqiqәlәr, yoxa çıxır qәm.

Dayan, acgöz zaman, ayaq saxla bir!
Sәni dә heç cürә anlamaq olmur.
Gah dәli yel tәki ötür günlәrim,
Gah da yerindәcә dayanıb durur.

Mәnә sadә cavab gәrәk dә deyil,
Dağları yıxmağa iradәm çatar.
Bir sәnin sirrini aça bilmәdim,
Hamını aldatmaq bacarığın var.

Sәndәn inciyirәm, umub-küsürәm
Sәn dә gәl, bağışla bu zәifliyi.
Sәnә ehtiyacım hәdsizdi… Bil ki,
Sevgim dә bitmәzdi, sonsuzluq kimi.

Bәlkә, bizә gülür, hәzz alır Zaman,
Əlbә ә, gülür o, gülür qaçaraq.
Bәlkә, illәr keçәr, sirlәr açılar,
Bәlkә dә, qurtuluş yetmәz heç zaman.

Dağıdıb yüzlәrlә daş divarları,
Yaxşı, buraxıram mәn sәni, Zaman!
Amma Yeni günü, yeni sabahı,
Bil ki, gözlәyirәm mәn, usanmadan.