Page 298 - book-online

ìÿä Àüàîüëó

ATAM VƏ MƏN

Molla Gürani

İstanbulun indi adı yaddaşlardan silinmiş bu
yanğın yeri Aksarayla Çapa arasındakı böyük
caddәnin sol tәrәfinә düşür. Yanğından әvvәl,
yәni 1918-ci ildә vur-tut bir mәscid, tәkkә vә bir neçә
kiçik küçәdәn ibarәt bu mәhәllәdә uşaqlığımın ilk dövrü
keçib. Bağın içindә ikimәrtәbәli, geniş salon vә otaqları
olan böyük evimiz vardı. Balkan müharibәsinin fәlakәtli
illәrini güclә xatırlayıram. Bәlkә dә, indi düşündüyüm
zaman göz önündә canlanan qarmaqarışıq üzlәr vә
hәrәkәtlәr, qulaqlarımda cingildәyәn uzaq sәslәr sanki
özümün görmüş, eşitmiş zәnn etdiyim, әslindә isә
başqalarının nağıl etdiklәri hekayәtlәrdәn gәlmәdir.
Amma sadәcә öz duyğularımla, yaşantılarımla xatır-
ladığım mәnzәrәlәr dә var. Qışa tәdarük mәqsәdi ilә alı-
nan, hәlә yerinә yığılmayan odun topası üzәrindә havaya
çәrpәlәng uçurtmağımı xatırlayıram. Yavaş-yavaş çökәn
axşam qaranlığında, küçәni birdәn-birә dәrin sәssizlik
içindә qoyub evlәrinә çәkilәn uşaqların arasındayam.
Mәhәllәmizә çox uzaq yerdә başlamış yanğın xәbәrini
verәn gözәtçinin sәsini eşidincә titrәyәrәk anamın qucağına
atılıram. İsti otaqda buğlanmış pәncәrә şüşәlәrini әlimlә
silib iri qar dәnәlәrini saymağa çalışıram. Sonra bir tәkkә
xatırlayıram. Uzun qış gecәlәri orada ağ saqqallı, ağ
cübbәli şeyxin yanında bir hoqqabazın mәharәtini seyr
edirdik. Neyin ahәstә sәdası altında gözlәrim öz-özünә
qapanırdı.

Bütün bu qırıq-sökük mәnzәrәlәr arasında atamla
bağlı xatirәlәrim şıdırğı yağışın göydәn sanki vedrә ilә

298