Page 19 - book-online

Àòàìûí äîñòëàðû

BİRİNCİ NƏŞRƏ ÖN SÖZ

Bu әsәr bir tarix deyil. Mәn tarix kitabı yazmadım.
Sadәcә, hәr biri fәrqli şәkildә türk tarixinә daxil olan,
yaxından tanıdığım bәzi insanların rәsmlәrini çәkmәyә
çalışdım. Hәm dә yalnız fikrimin dәrinliklәrindә
buraxdıqları izlәrdәn ibarәt rәsmlәrini. Onlar atamın
dostları idilәr. Üzlәrini atamın üzü ilә bәrabәr xatırlayıram.
Bu insanların hafizәmdә hәmişәlik hәkk olunan
şәxsiyyәtlәri barәsindә söz açarkәn hadisәlәr biri-birinә
qarışa bilәr; bәzi sözlәr vә iddialar yaddan çıxa, әskik vә
ya artıq ola bilәr. Belә mәqamlara o qәdәr dә әhәmiyyәt
vermirәm. Yaxşı bilirәm ki, atamın indi gözlәrimin
önündәn bir-bir gәlib keçәn bu dostları barәsindә verilәn
hökmlәr çox fәrqli vә bәzәn dә haqsızdır. Halbuki cәmiyyәtdә
mövqe sahiblәri olduqları üçün sadәcә "yaxşı" vә "pis"
deyә tanındılar. Mәn isә atamın dostlarını üzәrimdә bu-
raxdıqları tәsirlәrlә bu tәsәvvürlәrin fövqünә çıxararaq
düşünürәm vә ucadan deyirәm ki, tarixin haqlarında
verdiklәri hökm necә olursa-olsun, onlar mәnim üçün
yaxşı insanlar kimi qalırlar.

19