Page 24 - antologiya

Türkiyə ədəbiyyatı antologiyası

Pәncәrәdәn bu canlı qalanı heyrәtlә izlәyәndә gör-
düm ki, Tәhlükәsizlik Nazirliyinә girdi.

Ey türk! Bu gün solğun bәnizlә, cırıq paltarla girdiyin
dövlәt idarәsindәn, әsgәr ocağından sabah yeni paltarla
çıxacaqsan! O vaxt bugünkü zәifliyindәn bir qәhrәman
doğulacaq vә sәn ayağın dәyәn yerlәri titrәdәcәksәn! Sәni
belә dәyişmiş görәnlәr elә hesab edәcәklәr ki, bu güclü,
cüssәli bәdәn ancaq әsgәr olmaq üçün yaradılıb.

Sәni elә güclü görәrkәn sәnә güvәnmәmәk mümkün
deyil.

Sәnin hәlә ananın döşündәn süd әmәrkәn güclü
olacağını başa düşmәk elә dә çәtin deyildi. Sәn cırıq
başmağınla da dәyәrlisәn, mәhkum halınla da hakimsәn.
Sәrtsәn, ancaq kobud deyilsәn – ona görә dә tayı-bәrabәri
olmayan bir millәtsәn. Nә qәdәr güclü olduğun düşü-
nәrkәn tәmkinindәn, әsәbilәşәrkәn әzmindәn bәllidir.
24 Böyüklәrә hörmәtin zәifliyinin deyil, mәdәniyyәti-
nin göstәricisidir. Ağ çörәyini qara torpaqdan çıxarırsan.
Yeniliklәrә tez uyğunlaşırsan. Safsan, sәndәn xoşu
gәlmәyәnlәr sәnә yaltaqlanmağa çalışırlar. Әngin dәniz-
lәrә oxşayırsan, hәrdәn coşub-kükrәmәyin var. Pula
güvәnmirsәn. Canı yox, cananı üstün sayırsan, başqaları
üçün yaşayır, başqaları uğrunda ölürsәn. Başqaları sәni
bәyәnsә dә, sәn özündәn razı deyilsәn. Cibini doldurmaq
üçün yaşamırsan, bir tikәylә gözü doyanlardansan. Sәn öz
vәtәnindә yox, Bolqarıstanda, Yunanıstanda, Serbiyada
ölürsәn. Sevgilini – Ayşәni doyunca öpә, balan Mәhmәdi
böyüdә bilmirsәn. Elә bir çinarsan ki, nә qırılır, nә dә
әyilirsәn. Sürünmürsәn, cadar-cadar olmuş torpağı qanınla
sulayarkәn çörәyini alnının tәrinә batıraraq yeyir, yaralı
vәziyyәtdә dә düşmәn qarşısına vüqarla çıxırsan...

Dul analarla dolu olan Anadolu da ögey ana kimi
sәnә zülm edir. Yenә hәr qığılcımından bir şimşәk çaxar.
İlahi güc sahibisәn, ey türk!