Page 68 - Turk_Edebiyyati_Antologiyasi

Türkiyə ədəbiyyatı antologiyası
68
OLSA DA
Gözәllәr gözәli şahanә dilbәr,
Sәni tәrk etmәzәm, min qan olsa da.
Nә mümkün, sevdiyim, vaz keçmәm sәndәn,
Cümlә-alәm mәnә düşman olsa da.

Hәr kәsә meyl edib, su kimi axmam,
Vücüdüm şәhrini odlara yaxmam.
Sәndәn qeyri, gülüm, camala baxmam,
Qarşımda Yusifi-Kәnan olsa da.

Əmrahi dәrdinlә saralıb-solsun,
Sәnә kәmlik edәn Tanrıdan bulsun.
Olarsa, sevdiyim, sәn kimi olsun,
Aşığa dünyada canan olsa da.

EL ALDI GETDİ

Çığrışır bülbüllәr, necoldu bağban,
1
Xoyrat dost bağından gül aldı getdi.
2
Yüz min möhnәt çәkdim, bir bağ bәzәdim,
Yarı mәn bәslәdim, el aldı getdi.

Neçә möhnәt çәkdim, min daha gәrәk,
Xeyli ömür istәr bir daha görәk.
Nazlı yarım aldı o qanlı fәlәk,
Axdı gözüm yaşı sel oldu getdi.

Nazlı yardan hey bәd xәbәrlәr gәlir,
Dostlarım ağlayır, düşmәnlәr gülür.
Dedilәr ki, sәfil Əmrah da ölür
Kimi qazma-kürәk, bel aldı getdi…
1 Xoyrat – tәcavüzkar, basqınçı
2 Möhnәt – әzab-әziyyәt