Page 565 - design_Topcubashov_Full_Layout 1

...Xalqımızın müstəqil yaşayacağına inanırdıq

mümkün vә zәruridir. Bu, Qafqazın azad olunması, Qafqaz
xalqlarının yenidәn milli müstәqilliklәrinә qovuşması kimi
mәsәlәdә xüsusi ilә vacib vә әhәmiyyәtlidir. Hәlәlik әn
mühüm növbәti ümumi vәzifәmiz olan bu mәsәlәnin hәllindә
bir-birindәn ayrı fәaliyyәt göstәrmәk, bununla da qüvvәlәrin
parçalanmasına imkan yaratmaq nәinki arzuolunmaz, hәtta
ziyanlı dәstxәt sayılır. Müәyyәn bir tәşkilat, yaxud qrupun
öz yaxasını bu vәzifәlәrin icrasından kәnara çәkmәsi dә
eyni meyarla dәyәrlәndirilir. Tәbii ki, hәmin sözlәri ümumi
işimizi ilk növbәdә xarici tәmsilçilәrin yanında gözdәn salan
hәrәkәt vә addımlar haqda da demәk lazımdır. Bu mülahizәlәr
zәminindә üç xalqın bәrabәr әsaslara malik ümumi tәşkilatının
yaradılması ortaq qayğımız olmalıdır. Üçlәr müşavirәsi
bundan sonra da belә bir orqanın әrsәyә gәtirilmәsi mәsәlәsindә
tәkid edәcәkdir. Çünki mәhz hәmin orqan Qafqaza әn yaxın
vә әn mühüm mәrkәzdә faktiki şәkildә ümumi mәsәlәlәrimizlә
mәşğul ola bilәr.
Üçlәr müşavirәsinin bәhs etdiyim mәsәlә ilә bağlı 565
mülahizәlәrinin qısa xülasәsi tәxminәn belәdir. Üçlәr
müşavirәsi hәlәlik Konfederatlar Komitәsindәn alınacaq
cavabı, bu komitәnin son tәşәbbüslәri ilә bağlı daha әtraflı
mәlumatın daxil olmasını, cәnab Xolovka, hәtta ola bilsin
ki, Konstantinopoldakı polyak nümayәndәsi ilә görüşün
nәticәsini gözlәdiyindәn son qәtnamәsini ortaya qoymağa
tәrәddüd göstәrmişdir.
Sözlәrimә onu da әlavә edim ki, nümayәndә heyәti
indiki şәraitdә bizim ayrı-ayrı qruplar arasındakı açıq mübarizә
bir yana qalsın, hәtta fikir ixtilaflarının, mövqe toqquşmalarının
ortaya çıxarılmasının ümumazәrbaycan işinә fayda
gәtirmәyәcәyini ayrıca vurğuladı. Xüsusi ilә Varşavaya
verilәn mәlumat mәsәlәsindә ümumi işimizә daha faydalı
olan xәbәrlәrin alınmasının әhәmiyyәti göstәrildi. Eyni
zamanda nümayәndә heyәti hesab edir ki, Qafqaz mәsәlәsinә
diqqәtin zәiflәmәsindәn hәr vasitә ilә uzaq dayanmaq lazımdır.