Page 534 - design_Topcubashov_Full_Layout 1

Əlimərdan bəy Topçubaşov

ӘLİ BӘY HÜSEYNZADӘYӘ

14 sentyabr 1904-cü il
Bakı

Әzizim Әli!
Mәnә böyük zövq verәn gözәl mәktubuna cavab yazmaq
üçün özümü heç cür toparlaya bilmәdim. Sәbәbi sәnә uzun
mәktub yazmaq istәyimdir, amma zamanım olmadı. İndi isә
heç yoxdur. Çünki qәzetdәn başqa, bu günlәr hәm dә vәbaya
qarşı 592 mübarizә ilә mәşğulam. Hәm dә vәba әsl epidemiyaya
çevrilib. Hәr gün 25 nәfәrә qәdәr adam “ad patre”-yә (“ad
patres”; lat.: “әcdadların yanına” – Tәrc.) yollanır. Hamısı
da müsәlmanlardır. Dәqiq mәlumatları çap elәmәyә icazә
vermirlәr. Әn pisi isә bizim müsәlmanların heç bir tәdbir
görmәk istәmәmәlәridir. Hәtta mәnә deyirlәr ki, bütün
534 bәlalar... hәkimlәrdәn gәlir.
Onların әvәzinә dә özünü oda-közә vurmaq lazım gәlir.
Bu da çox vaxtımı alır. Amma mübarizә get-gedә qızışır.
Var qüvvә ilә qurbanların sayını azaltmağa çalışırıq. Xәstәlik
uşaqları xüsusi amansızlıqla biçib-tökür. Ona görә qәrara
gәldim ki, ailәmi bura gәtirmәyim. Yәqin, bütün qışı Tiflisdә
keçirәrlәr. Hәr halda indi çox tәhlükәlidir, әlәlxüsus da yeni
gәlәnlәr üçün. Düşünürәm ki, Tiflisdә tәk yaşamaq sәnin
üçün cansıxıcı olacaq. Açığını deyim ki, tәhlükә sәbәbindәn
sәni bura çağırmağa da ürәk elәmirәm. Hәlә Bakıda lap
darıxdırıcı keçәcәyini demirәm. Çünki mәn bütün günü
redaksiyada, axşamlar isә iclaslarda oluram. Ona görә dә
tәklif edirәm ki, әgәr Tiflisdә qalmaq sәnә cansıxıcıdırsa, o
zaman Salyana, әn yaxşısı isә Şamaxıya get. Epidemiya
sәngiyәndә bura gәlәrsәn. Bir sözlә, özün qәrar qәbul elә,
hara rahatdırsa, oranı seç. Amma hәlәlik Bakı olmasın.
Ümid edirәm, heç nәdәn utanıb-çәkinmәzsәn. Әgәr pul
lazım olsa, Pәri xanımdan götürәrsәn. Hәr şeyi әtraflı