Page 488 - design_Topcubashov_Full_Layout 1
P. 488
Əlimərdan bəy Topçubaşov
Bu, bizdәn ötrü ideal ictimai-siyasi yaşam tәrzi olardı.
Uzunmüddәtli narahatlıq vә hәyәcanlardan sonra hәyatın
demokratik prinsiplәr әsasında mәcrasına düşdüyü indiki
şәraitdә özünün respublika tipli dövlәtini quran Azәrbaycana
hәdsiz mәhәbbәt vә sәdaqәt bütün azәrbaycanlıların şüarlarına
vә qәlblәrinә hakim kәsilmiş әn munis duyğudur.
Bu duyğular o qәdәr güclüdür ki, azәrbaycanlılar xarakter
etibarilә nә qәdәr sülhsevәr olsalar da, yenә әldә silah
ölkәlәrinin müstәqilliyini qorumağa, Azәrbaycanı yeni Rusiya
dövlәtinin tәrkibinә qatmağa çalışan sovet qüvvәlәrinә,
yaxud Rusiyanı “vahid vә bölünmәz” imperiya kimi bәrpa
etmәyә sәy göstәrәn dairәlәrә hәr cür müqavimәt göstәrmәyә
hazırdırlar.
Federativ Respublika, yaxud Müәssislәr Mәclisi (burada
ruslar mütlәq әksәriyyәt tәşkil edәcәklәr) bayrağı altında
meydana çıxmasından asılı olmayaraq, adı çәkilәn hökumәtlәrin
ikisi dә öz xüsusiyyәt vә süni quruluşları baxımından bizim
488 üçün qәbuledilmәzdir. Onlarla hәr hansı şәkildә әlaqәli
olmaq bizi sadәcә özümüzә yad siyasi hәyatda yanlış yola
salar, anlaşılmazlıqlar yaradar, ölkәnin Rusiya hissәsi üçün
sәciyyәvi olan keçmiş vә indiki anarxiyaya, sağçılığa vә
solçuluğa rәvac verәr, bir sözlә, aradan qaldırılması hәlә
uzun illәr tәlәb edәn mәşum nәticәlәrә gәtirib çıxarardı.
