Page 487 - design_Topcubashov_Full_Layout 1

...Xalqımızın müstəqil yaşayacağına inanırdıq

XIV
AZӘRBAYCANIN SÜLH NÜMAYӘNDӘLİYİNİN
SİYASİ MÜSTӘQİLLİK MEYİLLӘRİ VӘ
AZӘRBAYCANLILARIN ÜMİDLӘRİ

Toxunduğumuz mәsәlәlәrin hamısı ilә bağlı fikirlәrimizi
sәmimi şәkildә açıqlayaraq bütün azәrbaycanlıların
düşüncәlәrini ifadә edirik.
Bizi hәr şeydәn çox bir mәsәlә maraqlandırır vә Azәrbaycan
nümayәndә heyәti hәmin mәsәlәni sülh konfransında
aydınlaşdırmağı özünә borc sayır. Biz Parisә gәlib sülh
konfransının işindә iştirak edәnә qәdәr nümayәndә heyәtimizin
başına açılan olmazın oyunlar haqda danışmaq istәyirik.
Azәrbaycan nümayәndә heyәti bu il yanvarın 20-dә
İstanbula gәlmişdi. Fransaya isә yalnız aprelin 22-dә yetişә
bildik. Bu üç ay әrzindә biz Parisә viza almaq üçün әbәs
yerә әllәşib-vuruşurduq. Yanvardan aprelә kimi Müttәfiq
dövlәtlәrin siyasi vә texniki tәmsilçilәrinә pasport vә vizalar 487
haqda dәfәlәrlә müraciәt etsәk dә, heç vaxt qaneedici cavab
almamışdıq. Bunu sadәcә indiki memorandumun sülh
konfransına nә üçün gec tәqdim olunduğunu aydınlaşdırmaq
üçün yazırıq. Lakin gecikmәyә baxmayaraq, ümid edirik ki,
böyük Antanta dövlәtlәri, ilk növbәdә dә sülh konfransı –
prezident Vilsonun nәcib prinsiplәri sayәsindә siyasi mövcudluq
hüququ qazanmış kiçik millәtlәrin bu yeganә himayәçilәri
Qafqaz Azәrbaycanı Respublikasının gәtirdiyi bütün dәlil-
sübutları diqqәtlә öyrәnәcәklәr.
İnanırıq ki, sülh konfransı vә onun yaratdığı Millәtlәr
Liqası diqqәtini bu memorandumdan әsirgәmәyәcәk,
azәrbaycanlıların tәlәblәrini yetәrincә öyrәnib onları tәmin
edәcәk. İnanırıq ki, azәrbaycanlıların sülhsevәr xalq olması,
neytrallığa tam zәmanәt vermәsi, Qafqazdakı qonşuları ilә
uzunmüddәtli vә dinc әmәkdaşlıq şәraitindәki mövcudluğa
can atması nәzәrә alınacaqdır.