Page 340 - design_Topcubashov_Full_Layout 1

Əlimərdan bəy Topçubaşov

Almaniyaya tәqdim olunmasından isә artıq bir ay keçir.
Avstriya nümayәndә heyәti eyni mәzmunlu notanı yeni alıb.
Türkiyә heyәti isә bugünkü teleqramdan da göründüyü kimi,
yalnız iyunun 6-da Konstantinopoldan çıxıb. Eyni sözlәri
Bolqarıstan tәmsilçilәri haqda da demәk olar.
Tәklif edilәn şәrtlәrin hamısı son dәrәcә ağırdır. Buna
görә dә onların nisbәtәn ağrısız qәbul edilәcәyi böyük
narahatlıq doğurur. Burada, konfransda hökm sürәn şәraiti
tәnqid elәyәn, hәtta İngiltәrәnin hәddindәn artıq sәrt tәlәblәrinә
etiraz bildirәn sәslәr indi daha ucadan eşidilmәkdәdir.
Sosialist qrupları lap çox narazıdırlar. Onların mәtbu
orqanları Antantanın hәddәn ziyadә sәrt tәlәblәrinә, bütünlükdә
isә konfransın gedişinә açıq etirazlarını bildirirlәr. Fransada,
hәtta İngiltәrәdә dә artıq 20–25 gün olar ki, fәhlәlәrin,
müxtәlif peşәlәrdәn olan işçilәrin, habelә ticarәt, sәnaye vә
nәqliyyatın (omnibus, tramvay, metropoliten) müxtәlif
sahәlәrindә çalışanların tәtili başlanıb. Dәmiryolçuların
340 ümumi tәtilinin gözlәnildiyi dә deyilir. Etiraz hәrәkatında
hәlәlik iqtisadi xarakterli tәlәblәr irәli sürülür. Onları doğuran
isә ilk növbәdә zәruri istehlak mallarının görünmәmiş
bahalığıdır. Bәzi gündәlik tәlәbat mallarının qiymәti az qala
hәr gün artır, bir qismi isә (şәkәr vә s.) bazarlarda ümumiyyәtlә
yoxdur. Lakin iqtisadi etirazlarla yanaşı, ehtimal ki, sırf
siyasi xarakterli aksiyalar da yetişmәkdәdir. Bәzi qәzetlәr
isә hәtta inqilabi hәrәkat başlanacağını yazırlar. Bәlkә dә,
vәziyyәt fәlakәt hәddinә gәlib çatmayacaq. Lakin son dәrәcә
hәyәcanlı şәrait yaranıb. Bu isә öz növbәsindә konfransın
vә komissiyaların işinә tәsir göstәrir. Demәyә ehtiyac varmı
ki, belә vәziyyәtdә hәr cür görüşlәr, danışıqlar, ümumiyyәtlә,
yeni dövlәtlәrin mәnafeyi, xüsusәn dә bizim kimi hәr hansı
himayәdәn mәhrum nümayәndә heyәtinin tәlәblәri Antanta
tәmsilçilәrinin nәzәrindә qәtiyyәn birinci yerdә dayanmır?
Baş verәnlәr azmış kimi, belә bir ilkin şәrt dә irәli
sürülüb ki, әvvәlcә ümumi rus mәsәlәsi hәll olunmalı, yalnız