Page 338 - design_Topcubashov_Full_Layout 1

Əlimərdan bəy Topçubaşov

№7
8–10 iyun 1919-cu il
Paris

AZӘRBAYCAN RESPUBLİKASI
NAZİRLӘR ŞURASININ SӘDRİNӘ

Cәnab Sәdr!
1
Romadan mayın 4-dә, Parisdәn mayın 15-dә göndәrdiyim
mәktublarda artıq Sizә xәbәr vermәk şәrәfinә nail olduğum
kimi, rәhbәrlik etdiyim nümayәndә heyәti uzunmüddәtli
gözlәnti vә әziyyәtdәn sonra Konstantinopoldan yalnız
aprelin 22-dә çıxa bilib. Hәm dә tam tәrkibdә gәlә bilmәmişik.
Әvvәlki mәlumatda haqlarında yazdığım әmәkdaşları vә
texniki işçilәri orada qoyub gәlmәk mәcburiyyәtindә qalmışıq.
Nümayәndә heyәti üzvlәrindәn isә yalnız Әhmәd bәy
Ağayev gәlә bilmәdi. Xәbәr verdiyim kimi, o, hәlә martın
әvvәllәrindә İttihadçılar partiyasına mәnsubluqda ittiham
338
olunaraq Türkiyә hökumәtinin sәrәncamı ilә hәbs edilmişdi.
Bütün istәyimizә rәğmәn ona әhәmiyyәtli kömәk göstәrә
bilmәdik.
Hәm bu, hәm dә digәr mәsәlәlәr barәdә mәn Әlәkbәr
bәy Topçubaşovla göndәrdiyim 18–21 aprel tarixli mәlumatda
daha әtraflı yazmışdım. Üstәlik, hәmin mәlumatı şifahi
mәruzә ilә tamamlamağı da ona tapşırmışdım.
Artıq hökumәt Azәrbaycan nümayәndә heyәtinin
Konstantinopoldan yola düşdüyü tarixә qәdәr cәrәyan edәn
bütün hadisәlәrdәn xәbәrdardır.
Lakin tәәssüf ki, biz Azәrbaycanda işlәrin vәziyyәti ilә
bağlı heç bir mәlumat almamışıq. Bu isә öz növbәsindә
nümayәndә heyәti üzvlәrini әsәbilәşdirmәyә, onların
fәaliyyәtinә müәyyәn mәnfi tәsir göstәrmәyә bilmәz.

1 Nümayәndә heyәtinin Parisdәn göndәrdiyi 15 may 1919-cu il tarixli 5
saylı mәktubun mәtni әldә yoxdur. (Tәrc.)