Page 336 - design_Topcubashov_Full_Layout 1

Əlimərdan bəy Topçubaşov

№ 4
4 may 1919-cu il
Roma

AZӘRBAYCAN RESPUBLİKASI
NAZİRLӘR ŞURASININ SӘDRİNӘ

Cәnab Sәdr!
Tam tәsadüfәn sabah buradan Konstantinopola yola
düşәcәk bir nәfәrlә mәktub göndәrmәk imkanı yarandı. Bu
fürsәtdәn istifadә edib sәfәrimizlә bağlı qısa mәlumatı
diqqәtinizә çatdırıram.
Aprelin 22-dә nümayәndә heyәti, nәhayәt ki, tәsadüfi
italyan gәmisindә Konstantinopoldan yola düşә bildi. Yolumuz
Konstantinopol–Saloniki–Pirey–Messina–Neapol marşrutu
üzrә idi. Aprelin 30-da Neapola yetişdik, mayın 2-dә isә
336
Romaya gәldik. İndi burada hәftәdә iki dәfә Parisә gedәn
sürәt qatarını gözlәyirik. Sabah yox, birisigün biz dә hәmin
qatarla Parisә çıxırıq.
Dәniz sәyahәtimiz zamanı dünya siyasәtindә sülh
konfransının işlәrinin gedişinә ciddi tәsir göstәrә bilәcәk
bәzi hadisәlәr baş verib.
Amma hәlәlik hәr cür mәlumat vә şәrhlәrә münasibәtdә
bitәrәf mövqe tutmaq lazım gәlir. Burada bәzi adamlarla
görüşmәyә çalışırıq.
Parisdәn әhatәli mәlumat göndәrәcәyәm. Belә bir mәlumatı
Sizdәn dә gözlәyirәm. Xüsusәn dә qonşularımızın vәziyyәti
barәsindә mәlumatlandırılmağımız çox vacibdir.
Bizdә (Bakıda – Tәrc.) olan şәxslәri Parisdәki tәmsilçilәr
vasitәsilә nümayәndә heyәtimizә dәstәk vermәlәri üçün
tәşviq edin. Eyni işi qonşu dövlәtlәrlә dә görün. Heyәtin
maliyyә baxımından tәminatı qayğısına qalın.