Page 339 - design_Topcubashov_Full_Layout 1

...Xalqımızın müstəqil yaşayacağına inanırdıq

Doğrudur, indiki şәraitdә mütәmadi mәktublaşma yolu
ilә ünsiyyәt tәlәb etmәk çәtindir. Amma yenә dә, heç olmasa,
ayda bir dәfә qısa mәlumatlar göndәrmәklә ümumәn ölkәnin
vәziyyәti, xüsusәn dә hökumәtin әsas addımları, habelә
Müttәfiq qüvvәlәrin komandanlığı vә qonşu respublikalarla
münasibәtlәr sahәsindәki tәşәbbüslәr barәsindә nümayәndә
heyәtini hadisәlәrin mәcrasında saxlamaq son dәrәcә zәruridir.
Bunun üçün yeganә yol ardıcıl şәkildә kuryerlәrin göndәrilmәsi,
habelә arabir Müttәfiq qüvvәlәr komandanlığının
sәrәncamındakı radiodan istifadә edilmәsidir.
Başqa nümayәndә heyәtlәri dә bu vasitәlәrdәn yararlanırlar.
Hәm dә kuryer kimi öz adamlarını deyil, xaricilәri (fransız,
yәhudi vә s.) göndәrirlәr.
Bizim hökumәtin dә hәmin üsullardan faydalanması
yerinә düşәrdi. Eyni zamanda Müttәfiq qüvvәlәr
komandanlığının vә Tiflisdә artıq öz radiosuna malik olan
gürcü hökumәtinin dә kömәyindәn istifadә etmәk olar.
Öz növbәsindә nümayәndә heyәti dә Bakıya kuryer 339
göndәrmәyi nәzәrdә tutur. Әgәr indiyә qәdәr hәmin vasitәyә
әl atmamışıqsa, bu, ilk növbәdә istәr bizim, istәr ümumәn
keçmiş Rusiya imperiyasının, istәrsә dә artıq Müttәfiq
dövlәtlәr tәrәfindәn tanınan vә müstәqil mövcudluq haqqına
qovuşan Polşanı çıxmaq şәrti ilә imperiyadan ayrılmış bütün
yeni dövlәtlәrin vәziyyәtinin sona qәdәr aydınlaşmaması ilә
bağlıdır.
Digәr tәrәfdәn isә, әslinә qalanda, hәlә biz özümüz dә
burada cәrәyan edәn hadisәlәrdәn kifayәt qәdәr baş çıxarmağa
imkan tapmamışıq. Bütünlükdә mәsәlәlәr lazımi dәrәcәdә
aydınlaşmayıb. Konfrans ümumi mülahizәlәrdәn Müttәfiqlәrin
digәr dövlәtlәr, ilk növbәdә isә, tәbii ki, müharibәdәn mәğlub
çıxmış Almaniya, Avstriya, Türkiyә vә Bolqarıstanla gәlәcәk
qarşılıqlı münasibәtlәrin konkret müddәalarına keçdikcә
şәrait daha da mürәkkәblәşir. İndiyә qәdәr hәlә dә Almaniya
ilә sülhün ilkin şәrtlәri müәyyәn edilmәyib. Şәrtlәrin