Page 237 - design_Topcubashov_Full_Layout 1

...Xalqımızın müstəqil yaşayacağına inanırdıq

mövcudluğunu sürdürmәk niyyәtindәdir. Ona görә dә ürәkdәn
istәyirik ki, bütün mәsәlәlәrdә ilk növbәdә mәhz Türkiyәnin
– bizim böyük himayәdarımızın mәnafeyi nәzәrә alınsın.
Әlbәttә, özümüzün kömәyә böyük ehtiyacımız olduğu indiki
vaxtda hәlәlik sizin üçün әhәmiyyәtli bir iş görmәk qüdrәtindә
deyilik. Üstәlik dә, dövlәt idarәçiliyi mәsәlәlәrindә kifayәt
qәdәr tәcrübәmiz yoxdur. Bu baxımdan sәhvlәrә yol
vermәyimiz tәbiidir. Eyni zamanda hәmin sәhvlәrin üstündәn
keçilәcәyinә, islah edilәcәyinә ümid bәslәyirik. Lakin bizi
daim basqı altında saxlayan rus hökumәtinin ağalığı altında
yaşadığımız yüz ildә siyasi mәsәlәlәrdә bәzi şeylәr öyrәnә
bilmişik. Bu isә Azәrbaycanı ayaq üstә qaldıra bilәcәyimizlә
bağlı bizә ümid verir. Hәr halda, qonşularımızla müqayisәdә
üstünlüklәrimiz daha çoxdur.
İzzәt paşa. Sizә demәliyәm ki, nә siyasәtçi, nә dә
diplomatam. Sadәcә hәrbçiyәm. Әlbәttә, göstәrәcәyiniz hәr
bir kömәk bizә faydalı olacaq. Vә inanıram ki, öz dövlәt
işlәrinizin dә öhdәsindәn gәlә bilәcәksiniz. Çünki qüvvәlәriniz 237
var. Vә bu mәsәlәdә biz dә lazımi yardım göstәrәcәyik.
Necә ki, indi dә göstәririk. Buna tam әmin ola bilәrsiniz.
Mәn. İlk görüşümüzdә çox vaxtınızı almaq cәsarәtindә
olmadığımdan sadәcә ifadә etdiyiniz mövqeyi Azәrbaycan
hökumәtinin diqqәtinә çatdırmaq üçün izninizi istәyәcәyәm.
Yәni xәbәr verәcәyәm ki, indiki halda Türkiyәnin bizә
münasibәti әvvәllki kimi tam dәyişilmәz qalır vә Azәrbaycan
әvvәllәr olduğu kimi, yenә dә Türkiyәnin hәr cür yardımına
ümid bağlaya bilәr.
İzzәt paşa. Böyük mәmnuniyyәtlә razılıq verirәm vә
dediklәrimi bir daha tәsdiq edirәm. Bu, bütünlükdә indiki
hökumәt kabinetimizin ümumi rәyidir. Әgәr siz hәlәlik bizim
Xarici İşlәr Nazirliyinin başçısı ilә görüşә bilmәmisinizsә, o
zaman xahiş edәcәyәm ki, dәrhal bu işi görәsiniz.
Mәn. Tәbii ki, bu, birbaşa vәzifә borcumdur. Lakin ilk
növbәdә özümü sizә tәqdim etmәk istәyirdim.