Page 175 - design_Topcubashov_Full_Layout 1

...Xalqımızın müstəqil yaşayacağına inanırdıq

Müәssislәr Mәclisinin keçirilmә vaxtının yenidәn tәxirә
salınması ilk növbәdә ona görә yolverilmәzdir ki, hazırkı
mәrhәlәdә dövlәt ictimai hәyatın irәli sürdüyü tәxirәsalınmaz
vәzifәlәrin hәlli, siyasi quruluşun forması, aqrar vә fәhlә
mәsәlәsinin zәhmәtkeş sinfin maraqları çәrçivәsindә
tәnzimlәnmәsi mәhz bu qurumun qәbul edәcәyi qәrarlardan
asılıdır.
Hәlәlik isә torpaqdan müvәqqәti istifadә vә icarә haqqının
ödәnilmәsi, iş günü, әmәk haqqı vә әmәyin mühafizәsi
şәrtlәrinin müәyyәn edilmәsi, nәhayәt, vergi yükünün daha
çox imkanlı tәbәqәnin üzәrinә qoyulması kimi mәsәlәlәrdә
Müvәqqәti hökumәt ölkәnin istehsal güclәrinin dağılmasına
imkan vermәmәk şәrti ilә dönmәdәn vә qәtiyyәtli şәkildә
zәhmәtkeş sinfin maraqlarının keşiyindә dayanmalıdır.
(Alqışlar.)
Milli mәsәlәyә gәldikdә, müsәlmanlar ölkәnin bütün
xalqlarının bir araya gәlmәlәrini vә qarşılıqlı әlaqә qurmalarını
175
zәruri sayırlar. Eyni zamanda müsәlmanlar bütün xalqların
demokratik әsaslar üzәrindә öz milli-siyasi ideallarını hәyata
keçirmәlәri niyyәtini dәstәklәyәcәklәrini bәyan edirlәr. Lakin
biz qәrarımızı hәmin mәsәlә Müәssislәr Mәclisindә özünün
yekun tәsdiqini tapandan sonra verәcәyik. (Alqışlar.)
Müsәlmanlar inanırlar ki, azad, demokratik Rusiyanın
bütün xalqların, elәcә dә müsәlmanların dostluq vә qardaşlığına
nail olacağı gün o qәdәr dә uzaq deyil. Mәhz o zaman bәşәr
tarixindә ilk dәfә olaraq xalqların hüquqlarına hörmәt
baxımından dünyanın gözü qarşısında indiyәdәk misli-
bәrabәri görünmәmiş bir mәnzәrә canlanacaq – Rusiyanın
nümunәsi әsasında Avropa da müxtәlif Avropa, Asiya vә
Afrika ölkәlәrindә müstәmlәkә boyunduruğu altında saxladığı
xalqlara, o cümlәdәn dә müsәlmanlara әsarәtdәn qurtulmaq,
milli müqәddәratını sәrbәst tәyin etmәk hüququ әsasında
azadlıq verәcәk.