Page 180 - design_Topcubashov_Full_Layout 1

Əlimərdan bəy Topçubaşov

yüksәk tәsir bağışladı. Döyüş generalı olsa da, ziyalı adamdır,
hadisәlәrә yanaşmada aydın siyasi baxışı var. Bizә münasibәti
son dәrәcә yaxşıdır, hәm dә Gürcüstanla Türkiyә arasında
normal әlaqәlәr qurulmasına çox can atır. Cәfәrovla 280 әtraflı
danışaram. Çünki onunla daimi әlaqә saxlamalıdır. Tәәssüf
ki, Mehmet Әli paşa ilә görüşә bilmәdim. Dünәn gecә
İrәvana yola düşmüşdü. Çoxları onun maarifçi baxışları,
Qafqaza dәrin bәlәdliyi (rus dilini bilir) haqda danışırlar. Bu
isә qarşımızda İrәvana göndәrәcәyimiz nümayәndәnin әn
yüksәk tәlәblәrә cavab vermәsi vәzifәsini qoyur. Çünki
Ermәnistanla çәk-çevirlәrimiz çox olacaq. Kimi göndәrmәk
olar? Ciddi mәsәlәdir. Nümayәndәmizin tәk Ermәnistana
yaxşı bәlәd olması kifayәt deyil, o hәm dә mübariz xarakteri
ilә seçilmәlidir. Qorxuram razılaşmasınlar, amma mәn doktor
M.Vәkilovu 281 tәklif edәrdim. Hәrçәnd onun burada – arbitraj
komissiyasında iştirakı da arzuolunandır. Amma İrәvana
180 nümayәndә göndәrilmәsi mәsәlәsi dә tәcilidir. Doktor indi
burada yoxdur, o, Gәncәyә gәlәcәk. Sonra özünüz onunla
danışarsınız.
Bolşevik qasırğasının tәsiri altında qapıldığım apatiya 1
artıq çәkilir vә bütünlüklә işә nüfuz etmәyә başlayıram.
Hәm dә tәәssüflәnirәm ki, bu qәdәr çox iş olduğu halda,
belә uzaqlara gedirәm. Amma onu da düşünürәm ki, getmәyim
son dәrәcә zәruridir. Bu axşam Batuma yola düşürәm. İndiyә
qәdәr burada boş-bekar oturmuşdum. Gecikmәyimin әsas
sәbәbi Batumdan çıxacaq gәmi haqda xәbәr gözlәmәyimdir.
Gәldiyim gün teleqram göndәrmişdim. Yalnız dünәn cavab
aldım ki, gәmi yoxdur. Eyni şeyi Әbdül Kәrim paşa da
tәsdiq etdi. Dedi ki, Batumda 6–15 gün gözlәmәli olacağam.

1 Ә.Topçubaşov Bakı Xalq Komissarları Soveti vә Sentrokaspi Diktaturası
dövründә fiziki mәhv tәhlükәsi altında bolşevik zindanında keçirdiyi bir neçә
aylıq mәhbusluq dövrünü nәzәrdә tutur. (Tәrc.)