Page 270 - Tarey Vesos_Макет 1

Tarey Vesos
– Mәncә, mәsәlә tamam başqadı, – deyib zәnlә ona baxdı. –
Mәncә, sәn mәnә әsәbilәşmirsәn, amma…
– Nә dediyini anlamıram! Başa sal.
Mattis qәtiyyәtsiz halda:
– Başa salım? Elә indi? – soruşdu.
– Onda bu söhbәti bağlayaq getsin.
İkisi dә geri çәkildi.
Mattis Xeqenin bu ağıllı vә qüvvәtli meşәqırana necә baxdığını
sezmәyә bilmәzdi. Yörgen isә öz işiylә mәşğul idi, ondan meşәnin
iyi gәlirdi vә bütün günü susurdu, yalnız hәrdәn havadan bir-iki
kәlmә nәsә deyirdi. Axşamlar evә qayıdanda meşәnin iyini dә
özüylә gәtirirdi. Yemәk hazırlayanda Xeqe ona öz kömәyini
tәklif edirdi. Yox, hәr şeyi özü elәmәyә öyrәncәliydi. Xeqe dә
inad elәmirdi. Yörgen heç vaxt özü haqqında danışmazdı. Ondan
bu barәdә nәsә soruşanda isә özünü eşitmәzliyә vururdu. Ya da
belә deyirdi: kimin nәyinә lazım, mәnim hәyatımda pis bir şey
olmayıb.
Xeqe oğrun-oğrun Yörgenә baxırdı. Mattis bu zaman bacısının
sifәtinin necә dәyişdiyini, sanki çiçәk kimi açdığını hiss edirdi.
Amma o özü bir kәlmә deyәn kimi ağzından vurur. Mattis
ürәyindә: “mәncә, burada nәsә başqa bir şey var”, dedi.

30

Mattis yenә hәr gün qayıqla göldә üzürdü. Daşımağa adam
yox idi, amma istәnilәn halda, qayıqçı iş başına keçib gözlәmәliydi.
Belә olması hәtta daha çox xoşuna gәlirdi. Amma Xeqeni
gündәn-günә daha az istәyirdi. Bacısı get-gedә daha öcәşkәn
olurdu. Guya Mattisin dediyi hәr bir söz, tutduğu hәr bir iş düz
deyildi. Elә bil tәklikdә qalmalarına bәnd idi, dәrhal üstünә
düşürdü.
Bacısı bir gün:
– Belә olmaz! – dedi. – Bunu qulağına sırğa elә.
Xeqe indi öz әyin-başına da fikir verirdi. Mattis bacısının
sәkkizyarpaqlı mürәkkәb çiçәklәri toxumaq әvәzinә, vaxtını daha
yaraşıqlı görünmәyә sәrf etdiyini görürdü.
270