Page 266 - Tarey Vesos_Макет 1

Tarey Vesos
Mattis avarların üstünә әyildi. İndi bu yad adamı yaxşı görә
bilirdi. Danışığından uzaq yerlәrin adamına oxşayırdı. Yәqin,
Mattis yaşda, ya da bir az ondan böyük olardı. Nә qәşәng idi, nә
dә kifir – heç birindәn. Adi geyimdәydi. Hәr şey qaydasındadı vә
dәrhal aydın görünür ki, o da hamı kimi qüvvәtli vә ağıllıdı.
Mattis avarları çәkә-çәkә qәribә bir sevinc içindәydi. Ondan:
– Neçә yaşın var? – soruşdu.
– Qırx üç, nәdi ki?
– Heç, elә-belә.
Mattis öz yaşını da demәk istәdi, amma yad adam ağzını
açan kimi özünü saxladı. Yad adam qәflәtәn artıq suyun içindә
olan torbanı çәkib hirslә:
– Lәnәt şeytana, – dedi, – qayıq su buraxır ki.
Mattis qayığın dәlmә-deşiklәrini yamasa da, bir nәfәrә ancaq
dözәrdi, iki nәfәrin ağırlığı işlәri korlamışdı.
Özünә bәraәt qazandırmağa cürәt etmәdi. Qayıq su buraxırdı
vә bu ağıllı onun yiyәsini tәnbeh etmәkdәn vaz keçmәyәcәkdi.
Mattis çaşıb qalmışdı, bilmirdi, nә desin:
– Bayaq yol olmayan tәrәfә çıxmışdın, demәk, azmışdın, elә -
mi?
Yad adam bura necә gәldiyini artıq ona danışmışdı. Hәr
halda, susmadı vә istehzayla cavab verdi:
– Birbaşa qayıqçının üstünә gәlib çıxmışamsa, necә aza bilә -
rәm?
Ağıllı olmaq bax budu. Yad adam әlavә etdi:
– Çanağın, ya başqa nәyinsә var? Yoxsa sahilә çıxa bilmә yә -
cәyik.
Mattis sıxıntı keçirdi. Hә, bu qayıq heç nәyә yaramırdı. Mat -
tis çanağı yad adama uzatdı vә o, dilxor halda qayıqdakı suyu
boşaltmağa başladı. Mattis yorulmuşdu, avarlar da әlindә ağır -
laşmışdı, amma qayığı düz istiqamәtlәndirә bilirdi.
Sahilә artıq az qalmışdı. Yad adam uzun çәkәn sükutu pozdu:
– Bәlkә, sәn buralarda gecәlәmәk üçün bir yer tanıyırsan?
Ancaq yaxın olsun, yorulmuşam, çox getmәyә halım yoxdu.
Bu sanki avarı çox lәng çәkәn Mattisә bir irad idi. Xәcalәt
çәkә-çәkә cavab verdi:
266