Page 263 - Tarey Vesos_Макет 1

Quşlar
Xeqe tez-tәlәsik:
– Orada sәni çağıran-filan olmayıb, – dedi.
Әlbәttә qardaşının dediklәri xoşuna gәlmәmişdi.
– Mәn eşitdim axı!
– Sәn elә hey adam daşımağı düşünmüsәn, ona görә dә qu la -
ğına sәs gәlib. Belә şeylәrә fikir vermәk lazım deyil. Heç nә
olmamış kimi tәzәdәn gölә qayıt. Orada hәr şey qaydasındadı.
Mattis bacısının bu sözlәrindәn sonra sakitlәşdi.
– Mәn, onsuz da, işimi atmağı düşünmürәm.
– Bilirәm. Get.
Mattis toxtayıb tәzәdәn sahilә qayıtdı. Amma qayığına çatmağa
macal tapmamış yenidәn qulağına hәmin o qәribә sәs gәldi. Әsas
olan o idi ki, eşitmәk istәdiyi – qayıqçını çağıran o hökmlü sәs
yenә gәlirdi. Vә bayaqkı kimi yenә dә bu, Xeqenin sәsiydi.
Hәyatımda ilk dәfәdi ki, daimi işim var. Ona görә dә qulağıma
müxtәlif sәslәr gәlir. Xeqe belә izah etmişdi.
Axı haraylanmasını yaman çox arzulayırdı. Yәqin, elә bu
sәbәbdәn dә onu çağıranlar hәlә gözә dәymir, amma tezliklә hәr
şey, güman ki, başqa cür olacaq.
Bu, asan iş deyil. Düşünürdü ki, ilk gün adamlar onun bu işә
yarayıb-yaramadığını sınamaq istәyir. Gәlirәm! Gәlirәm!
Mattis qayığını çevirib uzaq tәpәlәrә istiqamәtlәndirdi –
növbәti bir ağır sәfәr.
Daha qışqırıq sәslәri eşitmәdi.
Nәhayәt, gәlib sahilә çıxdı. Çiyinlәri ağrıyırdı. Bu boş sahillә,
burada onu vahimәlәndirә bilәcәk hәr şeylә görüşә hazır dayanmışdı.
Günә süst başlamışdı, indi isә üstünә hәyәcan da gәlmişdi. Amma
sınaq sınaqdı. Qayıq yola düzәlәndә dimdik qalxıb dayandı vә
әvvәl ağlına gәtirmәyә belә çәkindiyi bir hәrәkәti elәdi.
Boş sahilә baxa-baxa gözә görünmәyәni hayladı:
– Әgәr mәni çağırırsansa, demәk, buradasan! – üzünü tәpәyә
tutub qışqırdı.
Mattis tamam heysiz idi, başı fırlanırdı, bununla belә, qamәtini
şax tutub dayanmışdı vә hәtta özündәn dә hündür görünürdü.
Sahildә birdәn gözünә әcaib, qorxunc bir canlı görünәrsә, dәrhal
üzüb uzaqlaşmaq üçün avarlardan da bәrk-bәrk yapışmışdı.
263