Page 366 - Sela

İLO XOSE SELA

– Kankalbus, toreador, çıx hәyәtdә dur.
Pakitonu hәyәtdә gözlәyib döyürdülәr. Hәmin şıltaq
yaşda yeniyetmәlәr şeir dә quraşdırırdılar.
– Mәn sәnә neylәmişәm?
– Heç nә.
Kuzina Renatanın körpәsindәn sidik iyi gәlirdi; onu
az-az çimdirirdilәr.
– İstәyirsәn ki, sәnin oğlun, bәtnimin barı sәtәlcәmdәn
ölsün?
– Yox, yox, istәyirәm oğlum yaşasın, böyüsün, görkәmli
adam olsun.
– Olsun!
Kuzina Renatanın uşağının adı Xustinianina idi;
köstәbәyә oxşayırdı. Pakitonun körpәyә çox yazığı gәlirdi.
Bir dәfә Rosauritayla danışanda dedi:
– Xustinianinaya elә yazığım gәlir, az qalır ürәyim
parçalana.
– Axı niyә?
– Doğrusu, bilmirәm. O elә balaca, kömәksizdi ki!
– Boş-boş danışma! Bilirsәn, Şatobrian nә deyib?
– Yox, bilmirәm. Nә deyib?
– Deyib ki, biz böyüklәr kömәksizik.
Pakito bir az düşündü.
– Çox dәrin fikirdi!
Hәrdәn Kandido Kalsado Bustosa Pakito deyirik, hәrdәn
dә Xulito; başlıcası razılaşmaqdı.
Rosaura nәsә xoş bir şey haqqında düşünüb cavab
verdi:
– Hәm dә çox dәrin fikirdi!
Heç nә qanıb-qandırmayan don Mamed kafedә, adәtәn,
aktyorların stolunda oturub sәrçә kimi cikkildәyir.
– Ha-ha! Polis dayәyә dedi: ha-ha, әzizim, senyorita
sәninlә necә davranır?
Tünd-boz toxunma yun jilet geyinmiş aktyor onun
sözünü kәsir:

366