Page 363 - Sela

Art-kafe

OĞLAN.
Adı: Karlos.
Soyadı: (tapmaq).
Yaşı: iyirmi dörd.
Görkәmi: hündür, qüvvәtli, qarayanız, qıvrımsaçlı, kәdәrli
qara gözlәr.
Yetim?: hә, o da yetimdi.
Qardaş vә bacıları: bacısı Nyu Yorkda әrdәdi.
Peşәsi: İnşaat İnstitutunun tәlәbәsi.
İş yeri: (yoxdu, hәlә tәlәbәdir).
Davranışı: yaxşı, alicәnab vә sәxavәtlidi, ancaq spirtli içkilәrә
bir az meyillidi.

ƏHVALAT

Onlar bir dәfә amerikan kafeterisi “Girls of Wisconsin”dә1
rastlaşırlar. Oğlan ofisiant qız vasitәsiylә ona mәktub göndәrir:
“Sizi görәn kimi, gözәlliyinizә heyran oldum. Əgәr ümid elәmәyimә
dәyәrsә, çiyәlәk yoqurtu sifariş elәyin. Mәn başa düşәrәm. Müti
pәrәstişkarınız K. Postskriptum: çiyәlәk mussuna mәn qonaq
elәyirәm. Vale”. Esmeralda duruxub, muss sifariş elәyir. Kafeteridәn
әl-әlә tutub çıxırlar.

Sirilonun üzündәn xoşbәxtlik yağır.
– Ofisiant, xahiş elәyirәm, çiyәlәk mussu verin. Oy, nә
danışıram, südlü qәhvә gәtirin!
Sirilonun sevinci tәr kimi onun bütün mәsamәlәrindәn
süzülürdü.

V
Boğazlarına şәrf dolamış aktyorlar kafeyә gecә, işdәn
sonra gәlirlәr.

1 “Girls of Wisconsin” – Viskonsinin qızları

363