Page 359 - Sela

Art-kafe

– Əlimdәn tutub: “Rosaurita, gicgahımdan öp!” – dediyi
gün necә gözәl idi.

Rosaurita onunla danışacaqlarını bilirdi.
– Qulaq asın, Rosaura...
– Mәnә “sәn” de.
– Qulaq as, Rosaura...
– “Rosaurita” de, qoy incә sәslәnsin.
– Qulaq as, Rosaurita...
– Nәdi?
– Heç nә, nә deyәcәyimi unutdum.
Art-kafedә hay-küylә göy göyәrçinlәr uçur.
– Xatırladım. Qulaq as, Rosaurita.
– Nәdir?
– İstәyirәm quş kimi, mәlәk kimi qanadlarım olsun.
– Göyә qalxıb uçmaq üçün?
– Yox, sәni yelpiklәmәk üçün...
Əyalәtdәn gәlәn oğlan sözünü demәk üçün var gücünü
topladı.
– Saçını başının ortasında düyünlәmiş qıyıq gözlü, gil
rәngindә sifәti olan çinli sadiq qul kimi sәni yelpiklәmәk
üçün.
Rosaurita elә dәrindәn nәfәs aldı, sanki isveç gimnastikası
elәyirdi. Bir – nәfәsini al.
– Kalsado...
İki – nәfәsini ver.
– Mәnә Kandido de.
Bir – nәfәsini al.
– Bağışla.
İki – nәfәsini ver.
– Bağışlayıram.
Bir – nәfәsini al.
– Kandido.
İki – nәfәsini ver.

359