Page 352 - Sela

İLO XOSE SELA

Esmeralda de Valye Florida1, ya Qrasiella de Prado Tyerno2,
ya buna oxşar bir şey olsun, tәki simvolik olsun, yaxşı
sәslәnsin; günlәrin bir günü amerikan kafeterisindә – müasir
olmaq lazımdı! – mәnalı baxışları olan boylu-buxunlu gәnclә
tanış olur, onun da adı, deyәk, Karlos, ya Alberto olsun.
Nәbadә Estanislao qoyasınız, bu, heç nәyә yaramaz.

– Bәli, senyor, aydındı.
– Belә. Ekspozisiya, demәk olar, hazırdı! Bәdbәxt Karlos,
bәdbәxt Esmeraldaya vurulur, ancaq Esmeralda ona bir
şәrt qoyur: Karlos! Nәdi, sevgilim? İçkini tәrgit. Karlos
spirtli içkinin daşını atır vә gәnc sevgililәr xoşbәxt olurlar.
Necәdi?
Sirilo mat qalıb.
– Əladı!
Naşir özündәnrazı halda gülümsәyir.
– Xoşunuza gәlirsә, süjeti sizә bağışlayıram ki, sizinlә
necә әmәkdaşlıq elәmәk istәdiyimi görәsiniz.
– Sağ olun, don Serafin, çox sağ olun. Bilmirәm mәnә
elәdiyiniz yaxşılıqlara görә sizә necә minnәtdarlığımı
bildirim.
Don Serafinin çiçәyi çırtlayır.
– Minnәtdarlıq elәmәyә dәymәz! Yaxşı, keçәk әvvәlinә.
Sevincәk olan Esmeralda adaxlısının ad günündә ona
stolüstü oyun dәsti bağışlayır. Qutunu açanda Karlos
kәdәrini gizlәtmir. Nә olub? Sevgilisinin hәdiyyәsi niyә
onun xoşuna gәlmәyib? Bu oyunda nә müәmma varmış?
Aha, sirr elә buradadı! Süjetin necә inkişaf etmәsi xoşuna
gәlir?
– Əladı! Davam edin.
– Belәliklә, artıq başlanğıc var. Ənәnәvi, klassik vә apa-
rıcı elementlәrdәn sonluğa keçәk. Hәr şey oyunun әtrafında
fırlanır. Qutu zәhәrli deyildi ki? Unutmaq istәdiyi çәtin

1 De Valye Florida – Güllü dərə

2 De Prado Tyerno – Yumşaq çəmən

352