Page 353 - Sela

Art-kafe

keçmişini yadına salmamışdı ki? Yox, Esmeraldanın oyunu
necә çevirdiyini görәndә, Karlos ürәyinә daman şübhәnin
doğruluğuna tamamilә әmin oldu: Esmeraldo onun atabir
bacısıdı. Lәnәt şeytana! Qızın barmağına sap dolamaq
vәrdişi sirri faş elәmişdi! Esmeralda! Bizim sevgimiz
mümkünsüzdü! Niyә? Hә, Esmeralda, damarlarımızda
eyni qan axır! Lәnәt şeytana! Hә, Esmeralda, bir-birimizdәn
ayrılaq! Esmeralda sıçrayıb, huşsuz halda yerә yıxılır.
Necәdi?

– Çox gözәldi! – Sirilo yalnız bu sözlәri deyә bildi.
Naşir roman haqqında nәzәriyyәsini izah edib getdi.
Əyalәtdәn gәlәn oğlan Siriloya yaxınlaşdı.
– Salam!
İndicә әlverişli sifariş alan Sirilo hәtta ona tәrәf baxmadı
da. Çox lazımdı!
– Sizә mane olmadım?
– Yox, yox...
Əyalәtdәn gәlәn oğlan Sirilonun alimliyindәn bir az da
ona keçәcәyi ümidiylә stolunu yaxına sürüşdürdü.

III
Cәrgәylә düzülmüş üç-dörd stolun arxasında rәssamlar
dinmәzcә oturublar. Əyalәtdәn gәlәn oğlan bir az çәkmәyi
bacardığından onlarla söhbәtә girişmәyә çalışır, ancaq әbәs
yerә. Əyalәtdәn gәlәn oğlan kim olduğunu, kim olmaq
istәdiyini vә kim olacağını heç özü dә bilmir. Əyalәtdәn
gәlәn gәnc valideynlәrini tez itirib. Xalaları ona deyirdilәr:
– Xulito, sәnin gәlәcәyin haqqında düşünmәk lazımdı.
Böyüyәndә nә olacaqsan?
Xulito pәrt halda deyirdi:
– Bilmirәm... Azar odur ki, bilmirәm...
Xulitonun qәtiyyәtsizliyi xalaları özündәn çıxarırdı.
– Əmin ol ki, veyil-veyil gәzmәyәcәksәn. Bunun üçün
gәrәk var-dövlәtin ola.

353