Page 347 - Sela

Art-kafe

– Südlü qәhvә gәtirin.
Əyalәtdәn gәlәn cavan oğlanın qanacağı aşıb-daşır.
– Bir qәdәh alma likörü istәyirsiniz? Etirazınız yoxdusa,
qonaq edәrәm.
– Minnәtdaram, mәnim gözәlim!
Əyalәtdәn gәlәn cavan oğlan pörtür, gözlәri qeyri-
ixtiyari, senyoranın iri döşlәrinә dikilir. Onların әyalәtindә
belәlәri olmur. Onların әyalәtindә xanımlar kökdü, ancaq
şeir yazmırlar; corab toxuyur vә tikmә tikirlәr. Onların
әyalәtindә dә qadınlar inәk qoxuyurlar, amma alma likörü
içmirlәr; onlar şokolad içirlәr, heç onu da hәmişә içmirlәr.
Əyalәtdәn gәlәn gәnc özünü toparlayır. Ürәkli ol, cavan
oğlan!
– Minnәtdarlıq etmәyә dәymәz.
İri döşlәri yırğalanan xanım dәrindәn köks ötürür. İri
döşlü qadının saçları tökülür. Gәrәk hәr sәhәr başının
dәrisini kükürdlü losyonla silәsәn.
– Demәli, Madriddәsiz, hә?
– Hә, gördüyünüz kimi...
– Çox gözәl, çox gözәl!
Başqa günlәr bu kәlmәnin әvәzinә özgәsi deyilir:
– Sizә bütün ciddiyyәtiylә deyirәm: Balzak... Əşi, sözә
nә ehtiyac, onsuz da, hәr şey aydındı!
Əyalәtdәn gәlәn gәnc Balzak haqqında düşünmәyә
başlayır, ancaq onu Stendalla sәhv salır. Ah, yox – “Madam
Bavari”nin müәllifiylә, nәydi onun adı...
İridöşlü senyora hәrdәmxәyaldı.
– Nә olub, Rosaurita?
Əyalәtdәn gәlәn cavan oğlan bu köklükdә xanımı
Rosaurita çağırmağın naqolaylığını hiss elәyir.
– Heç nә olmayıb, yaxşıyam, әzizim! Çox-çox minnәtda-
ram!
– Minnәtdarlıq etmәyә dәymәz.

347