Page 277 - Sela

İki ölü üçün mazurka

ildә Tukupitedә (Delta Amakuro ştatı, Venesuela) olmuşam;
Çapon varlı, gombul Flor de Perla Araquapiçe ilә evlәnib,
Orinokoda balıqların tәsnifatıyla mәşğul olurdu.

Necә oldusa, Kasandulflardan Raymundo vә kuzeni
Kamilonun adı әrzaq anbarından itmiş qırx baş pendir
әhvalatında hallandı; polkovnik zәncir gәmirirdi:

– Bu quldur dәstәsinә qulaqburması vermәk lazımdı,
yeriyә bilәnlәrin hamısını çıxarmaq lazımdı, qoy
ambulatoriya müalicәsi alsınlar, sizin ananızı!

Kasandulflardan Raymundo vә kuzeni Kamilo әliboş
vәziyyәtdә küçәyә atıldılar.

– Bu, haqsızlıqdı, – onlar tibb bacısı Katalinaya dedilәr. –
Pendir mәsәlәsinә bizim heç bir dәxlimiz yoxdu, ancaq
sağalmadığımız halda bizi oğru kimi qovurlar, polkovnik
bizimlә heç danışmaq da istәmir.

– Sәbirli olun, uşaqlar, bәla gәlәndә, gәrәk dözüb
gözlәmәyi bacarasan.

Öldürülәnlәrin siyahısını sәliqәylә tutan don Xesus
Mansanedonun qızı Klaritanın adaxlısının adı İqnasio
Arauxa Sid idi, o, Pastor bankının şәxsi kreditlәr şöbәsindә
işlәyirdi; don Xesus öz bloknotunda qeydiyyat aparmağa
başlayanda, İqnasio tutulub könüllü cәbhәyә getdi vә az
sonra onu öldürdülәr.

Kasandulflardan Raymundo vә kuzeni “İki şir” kafesinә
getdilәr.

– İndi qalmağa yer tapmaq lazımdı, sonra Allaha
tәvәkkül, mәnim bir az pulum qalıb, Monçaya xәbәr verәk,
azdan-çoxdan yollasın. Yaxşı, baxaq görәk, pul çatır, ya
yox.

Narahat olmağa dәymәzdi, iki-üç saat keçmәmiş Errerias
küçәsindә, Pastrananın dәfn bürosunun yanında, donya
Paula Ramiresin “Estelyesa” yemәxanasında yerlәşmişdilәr;
pansionun xәrci dәyişәyi yumaqla bir yerdә 2,75 peset idi.

277